عمدة الأحكام من كلام خير الأنام صلى الله عليه وسلم
المؤلف: عبد الغني بن عبد الواحد بن علي بن سرور المقدسي الجماعيلي الدمشقي الحنبلي، أبو محمد، تقي الدين (المتوفى: 600هـ)
തെറ്റായ സത്യം ചെയ്യലുകളുടെ അനന്തര ഫലങ്ങള്
370 - عَنْ ثَابِتِ بْنِ الضَّحَّاكِ
الأَنْصَارِيِّ رضي الله عنه أَنَّهُ بَايَعَ رَسُولَ اللَّهِ صلى الله عليه
وسلم تَحْتَ الشَّجَرَةِ، وَأَنَّ رَسُولَ اللَّهِ صلى الله عليه وسلم قَالَ: (مَنْ حَلَفَ عَلَى يَمِينٍ بِمِلَّةٍ غَيْرِ الإِسْلامِ، كَاذِباً
مُتَعَمِّداً، فَهُوَ كَمَا قَالَ، وَمَنْ قَتَلَ نَفْسَهُ بِشَيْءٍ عُذِّبَ
بِهِ يَوْمَ الْقِيَامَةِ، وَلَيْسَ عَلَى رَجُلٍ نَذْرٌ فِيمَا لا يَمْلِكُ) وَفِي رِوَايَةٍ: (وَلَعْنُ الْمُؤْمِنِ كَقَتْلِهِ). وَفِي رِوَايَةٍ: (مَنِ ادَّعَى دَعْوَى كَاذِبَةً لِيَتَكَثَّرَ بِهَا، لَمْ يَزِدْهُ اللَّهُ
عَزَّ وَجَلَّ إلاَّ قِلَّةً).
ഥാബിത് ബിൻ അള്ളഹ്ഹാക് അൽഅൻസ്വാരി رضي الله عنه -അദ്ദേഹം വൃക്ഷച്ചുവട്ടിൽ വെച്ച് അല്ലാഹുവിന്റെ റസൂൽ صلى الله عليه وسلم യോട് ബൈഅത്ത് (പ്രതിജ്ഞ) ചെയ്ത സ്വഹാബിയാണ്- നിവേദനം ചെയ്യുന്നു: റസൂല് صلى الله عليه وسلم പറഞ്ഞു: "ആരെങ്കിലും അറിഞ്ഞുകൊണ്ട് കളവായി ഇസ്ലാമല്ലാത്ത മറ്റു വല്ല മതത്തിന്റെ പേരിലും സത്യം ചെയ്താൽ (ഉദാഹരണത്തിന്: 'ഞാൻ പറയുന്നത് കളവാണെങ്കിൽ ഞാൻ ഒരു ജൂതനോ ക്രിസ്ത്യാനിയോ ആയി മരിക്കട്ടെ' എന്ന് പറഞ്ഞാൽ), അവൻ ആ പറഞ്ഞതുപോലെ തന്നെയാണ്. ആരെങ്കിലും ഏതെങ്കിലും വസ്തു ഉപയോഗിച്ച് ആത്മഹത്യ ചെയ്താൽ, അന്ത്യനാളിൽ അതേ വസ്തു ഉപയോഗിച്ച് അവൻ ശിക്ഷിക്കപ്പെടും. തനിക്ക് ഉടമസ്ഥതയില്ലാത്ത കാര്യത്തിൽ മനുഷ്യന് നേർച്ച ബാധകമല്ല."
മറ്റൊരു റിപോർട്ടിൽ ഇപ്രകാരമാണുള്ളത്: "ഒരു സത്യവിശ്വാസിയെ ശപിക്കുന്നത് അവനെ കൊലപ്പെടുത്തുന്നതിന് തുല്യമാണ്."
മറ്റൊരു റിപോർട്ടിൽ ഇപ്രകാരമുണ്ട്: "തന്റെ പക്കൽ കൂടുതൽ ഉണ്ടെന്ന് കാണിക്കാനും ധനികനാണെന്ന് നടിക്കാനും വേണ്ടി ആരെങ്കിലും വ്യാജ അവകാശവാദം ഉന്നയിച്ചാൽ, അല്ലാഹു അവന് കുറവല്ലാതെ (ദാരിദ്ര്യമല്ലാതെ) വർദ്ധിപ്പിച്ചു കൊടുക്കുകയില്ല."
വിവരണം
ഈ ഹദീസിലൂടെ നബി (സല്ലല്ലാഹു അലൈഹി വസല്ലം) ചില പ്രധാനപ്പെട്ട വിശ്വാസകാര്യങ്ങളും ഇസ്ലാമിക മര്യാദകളും നമ്മെ പഠിപ്പിക്കുന്നു: ഹുദൈബിയ്യ ദിവസം വൃക്ഷച്ചുവട്ടിൽ വെച്ച് 'ബൈഅത്തു റിദ്വാൻ' ചെയ്ത സ്വഹാബിയായ ഥാബിത് ബിൻ അള്ളഹ്ഹാക് അൽ-അൻസ്വാരി رضي الله عنه നബി صلى الله عليه وسلم യില് നിന്ന് നിവേദനം ചെയ്ത ഹദീസിന്റെ ആശയം താഴെ കൊടുക്കുന്നു.
"ആരെങ്കിലും ഇസ്ലാമല്ലാത്ത മറ്റു വല്ല മതത്തിന്റെ പേരിലും സത്യം ചെയ്താൽ അവൻ ആ പറഞ്ഞതുപോലെ തന്നെയാണ്." അതായത്, "ഞാൻ ഇന്ന കാര്യം ചെയ്തിട്ടുണ്ടെങ്കിൽ ഞാൻ ഒരു ജൂതനോ നസ്റാനിയോ മജൂസിയോ സത്യനിഷേധിയോ അല്ലെങ്കിൽ അല്ലാഹുവിൽ നിന്നും അവ അവന്റെ റസൂലിൽ നിന്നും ബന്ധം വേർപെട്ടവനോ ആണ്" എന്ന് അറിഞ്ഞുകൊണ്ട് കളവായി സത്യം ചെയ്താൽ, അവൻ തനിക്കായി ഏത് അവിശ്വാസ മാർഗ്ഗമാണോ ആരോപിച്ചത് അതുപോലെ തന്നെയാണ് അവന്റെ വിധിയും.
"മനുഷ്യന് തനിക്ക് ഉടമസ്ഥതയില്ലാത്ത കാര്യത്തിൽ നേർച്ച വീട്ടേണ്ടതില്ല." ഉദാഹരണത്തിന്, "അല്ലാഹു എന്റെ രോഗം മാറ്റിയാൽ ഞാൻ എന്റെ സഹോദരന്റെ വീട് ദാനമായി നൽകാം" എന്നോ, "മറ്റൊരാളുടെ അടിമയെ മോചിപ്പിക്കാം" എന്നോ, "മറ്റൊരാളുടെ ധനത്തിൽ നിന്ന് ധർമ്മം ചെയ്യാം" എന്നോ പറയുന്നതുപോലെ. ഇത്തരം നേർച്ചകൾ അസാധുവും നിലനിൽക്കാത്തതുമാണ്. കാരണം അത് ശരിയായ സ്ഥാനത്തല്ല ഉപയോഗിച്ചിട്ടുള്ളത്.
ലൗകിക ലോകത്ത് വെച്ച് വല്ലവനും ഏതെങ്കിലും വസ്തു (വാൾ, കത്തി, തോക്ക് തുടങ്ങിയ ആയുധങ്ങള്) ഉപയോഗിച്ച് ആത്മഹത്യ ചെയ്താൽ, പരലോകത്തും അതേ വസ്തു കൊണ്ട് അവൻ ശിക്ഷിക്കപ്പെടും. പരലോക ശിക്ഷ അങ്ങേയറ്റം കഠിനമാണെങ്കിലും, പ്രവൃത്തിക്ക് അനുയോജ്യമായ ശിക്ഷ നൽകപ്പെടുക എന്നതിന്റെ ഭാഗമാണിത്.
ഒരു സത്യവിശ്വാസിയെ ശപിക്കുന്നത് അവനെ കൊലപ്പെടുത്തുന്നതിന് തുല്യമാണ്. കാരണം 'ലഅ്നത്ത്' എന്നാൽ അല്ലാഹുവിന്റെ കരുണയിൽ നിന്ന് അകറ്റലാണ്, കൊലപാതകമാകട്ടെ ജീവിതത്തിൽ നിന്നുള്ള അകറ്റലുമാണ്. അല്ലാഹുവിന്റെ വിലക്കുകളെ ലംഘിക്കുന്നതിലും, പാപം സമ്പാദിക്കുന്നതിലും, ശിക്ഷക്ക് അർഹനാകുന്നതിലും ശപിക്കുന്നവനും കൊലയാളിയും ഒരുപോലെ പങ്കാളികളാകുന്നു.
തന്റെ പക്കൽ ഇല്ലാത്ത ധനം, അറിവ്, തറവാട്ടു മഹിമ, പദവി, സ്ഥാനം തുടങ്ങിയവ ഉണ്ടെന്ന് കാണിച്ച് അഹങ്കരിക്കാനും, ജനങ്ങളുടെ മുന്നിൽ വലിയവനായി നടിക്കാനും വേണ്ടി ആരെങ്കിലും വ്യാജ അവകാശവാദം ഉന്നയിച്ചാൽ, അല്ലാഹു അവന് പതനവും നിസ്സാരതയുമല്ലാതെ വർദ്ധിപ്പിച്ചു കൊടുക്കുകയില്ല. കാരണം, തന്നിലില്ലാത്ത കാര്യങ്ങൾ കാണിച്ച് സ്വയം ഉയരാനാണ് അവൻ ശ്രമിച്ചത്; അതിനാൽ അവന്റെ ഉദ്ദേശത്തിന് അനുയോജ്യമായ ശിക്ഷ തന്നെയാണ് അവന് ലഭിക്കുന്നത്.
ഹദീസില് നിന്നുള്ള പാഠങ്ങള്
1- ഇസ്ലാമല്ലാത്ത മറ്റു അവിശ്വാസ മാർഗ്ഗങ്ങളുടെയും മതങ്ങളുടെയും പേരിൽ സത്യം ചെയ്യുന്നതിന്റെ അപകടം.
2- ഒരാൾ സ്വയം ജീവനെടുക്കുന്നത് (ആത്മഹത്യ) കടുത്ത ഹറാമാണ്. മറ്റൊരാളെ കൊല്ലുന്നവന്റെ പാപത്തിന് തുല്യം തന്നെയാണ് സ്വയം ജീവനെടുക്കുന്നവന്റെ പാപവും. താൻ സ്വന്തം ജീവനെടുക്കാൻ ഏത് മാർഗ്ഗമാണോ ഉപയോഗിച്ചത്, അതേ മാർഗ്ഗം കൊണ്ട് അവൻ പരലോകത്ത് ശിക്ഷിക്കപ്പെടും. കാരണം പ്രവൃത്തിക്ക് അനുയോജ്യമായ ശിക്ഷ നൽകപ്പെടുക എന്നത് അല്ലാഹുവിന്റെ നിയമമാണ്.
3- "ഒരു വിശ്വാസിയെ ശപിക്കുന്നത് അവനെ കൊലപ്പെടുത്തുന്നതിന് തുല്യമാണ്" എന്നതിൽ ശപിക്കുന്നവന്റെയും കൊലയാളിയുടെയും പാപം ഒരുപോലെയാണെന്ന് കാണാം.
4- തന്നിലില്ലാത്ത അറിവ്, തറവാട്ടു മഹിമ, ധീരത തുടങ്ങിയ കാര്യങ്ങൾ ഉണ്ടെന്ന് ഒരാൾ വ്യാജമായി അവകാശപ്പെടുന്നത് നിഷിദ്ധമാണ്. പ്രത്യേകിച്ചും ജനങ്ങളെ വഞ്ചിക്കുന്നതിനായി അല്ലെങ്കിൽ ഒരു ജോലി ലഭിക്കാൻ തനിക്ക് ആ ജോലി അറിയാമെന്ന് വ്യാജ അവകാശവാദം ഉന്നയിക്കുന്നത് അങ്ങേയറ്റം ഹറാമാണ്. രിയാഇനും (പ്രദർശന പരത) അഹങ്കാരത്തിനും വേണ്ടി ആരെങ്കിലും അത് ചെയ്താൽ, അല്ലാഹു അവന് പതനവും നിസ്സാരതയുമല്ലാതെ വർദ്ധിപ്പിച്ചു കൊടുക്കുകയില്ല. ഇവിടെയും പ്രവൃത്തിക്ക് അനുയോജ്യമായ ശിക്ഷ തന്നെയാണ് ലഭിക്കുന്നത്.
5- നേർച്ച നടത്തുന്നയാൾക്ക് ഉടമസ്ഥതയില്ലാത്ത കാര്യത്തിൽ നേർച്ച നിലനിൽക്കുകയില്ല (അസാധുവാണ്). കാരണം നേർച്ച എന്നത് അല്ലാഹുവിലേക്ക് അടുക്കാനുള്ള ഒരു ആരാധനയാണ്; തനിക്ക് അധികാരമില്ലാത്ത കാര്യങ്ങളിൽ അല്ലാഹുവിലേക്ക് അടുക്കാൻ സാധിക്കുകയില്ല.
6- "അവൻ ആ പറഞ്ഞതുപോലെ തന്നെയാണ്" (فهو كما قال) എന്ന ഹദീസിലെ ബാഹ്യമായ പരാമർശം വ്യക്തമാക്കുന്നത്, ഇസ്ലാമല്ലാത്ത മതങ്ങളുടെ പേരിൽ സത്യം ചെയ്യുന്നവൻ ഇസ്ലാമിൽ നിന്ന് പുറത്തുപോകുന്നു എന്നാണ്; എന്നാൽ ഇത് 'كفر أصغر' (ചെറിയ കുഫ്ര്) ആണ്.
