.jpg)
عَنْ أَبِي هُرَيْرَةَ أَنَّ رَسُولَ اللهِ
صَلَّى اللهُ عَلَيْهِ وَسَلَّمَ، قَالَ: «أَحَبُّ الْبِلَادِ إِلَى اللهِ مَسَاجِدُهَا،
وَأَبْغَضُ الْبِلَادِ إِلَى اللهِ أَسْوَاقُهَا»-مسلم (671)
അബൂഹുറൈറ رضي الله عنه നിവേദനം ചെയ്തു. റസൂല് صلى الله عليه وسلم പറഞ്ഞു: നാടുകളില് അല്ലാഹുവിന് ഏറ്റവും ഇഷ്ടം അതിലെ പള്ളികളാണ്, നാടുകളില് അല്ലാഹുവിന് ഏറ്റവും ദേഷ്യം അതിലെ അങ്ങാടികളാണ്.
പാഠങ്ങള്:
@ അല്ലാഹുവിനെ മാത്രം ആരാധിക്കാനുള്ള സുന്ദര ഭവനങ്ങളാണ് പള്ളികള്.
@ അവയാണ് സ്ഥലങ്ങളില് അല്ലാഹുവിന് ഏറ്റവും ഇഷ്ടം.
@ ധാരാളം തിന്മകള് നിറഞ്ഞ് നില്ക്കുന്ന സ്ഥലങ്ങളാണ് അങ്ങാടികള്. അതിനാല് അല്ലാഹുവിന് ഏറ്റവും വെറുപ്പുള്ള സ്ഥലങ്ങളാണ് അങ്ങാടികള്.
അങ്ങാടികളില് പാലിക്കപ്പെടേണ്ട കാര്യങ്ങള്
1- നല്ല നിയ്യത്ത് ഉണ്ടാവല്, നല്ല ഉദ്ധേശങ്ങള്ക്ക് വേണ്ടിയാവണം അങ്ങാടികളില് പോകേണ്ടത്.
2- അല്ലാഹുവിനെ സ്മരിക്കല്. ഉമര് رضي الله عنه നിവേദനം. റസൂല് صلى الله عليه وسلم പറഞ്ഞു: ആരെങ്കിലും അങ്ങാടിയില് പ്രവേശിക്കുകയും
(لاَ إِلَهَ إِلاَّ اللَّهُ وَحْدَهُ لاَ شَرِيكَ لَهُ، لَهُ الْمُلْكُ وَلَهُ الحَمْدُ يُحْيِي وَيُمِيتُ، وَهُوَ حَيٌّ لاَ يَمُوتُ، بِيَدِهِ الخَيْرُ وَهُوَ عَلَى كُلِّ شَيْءٍ قَدِيرٌ)
-അല്ലാഹു അല്ലാതെ ആരാധനക്കര്ഹനായി മറ്റാരുമില്ല, അവന് ഏകനാണ്, അവന് പങ്കുകാരില്ല. അവനാണ് സര്വ്വാധിപത്യവും, അവനാണ് സര്വ്വ സ്തുതിയും, അവന് ജീവിപ്പിക്കുകയും മരിപ്പിക്കുകയും ചെയ്യുന്നു. അവന് എന്നെന്നും ജീവിക്കുന്നവനും മരിക്കാത്തവനുമാകുന്നു. അവന്റെ കയ്യാല് ആണ് നന്മകള് ഉണ്ടാവുക. അവന് എല്ലാ കാര്യത്തിനും കഴിവുള്ളവനാകുന്നു- എന്ന് പറയുകയും ചെയ്താല് അല്ലാഹു അവന് 1000000 (പത്ത് ലക്ഷം) നന്മകള് എഴുതുകയും, 1000000 തിന്മകള് അവനില് നിന്ന് മായ്ക്കുകയും, അവന് 1000000 പദവികള് ഉയര്ത്തുകയും ചെയ്യും.
(ഈ ഹദീസിനെ കുറിച്ച് حسن بمجموع طرقه എന്ന് ശൈഖ് അല്ബാനി പറഞ്ഞിട്ടുണ്ട്)
3- സലാം വ്യാപിപ്പിക്കല്,
4- വഴിയിലെ കടമകള് നിറവേറ്റല്,
5- ദൃഷ്ടിയെ താഴ്ത്തല്,
6- നല്ല സ്വഭാവവും, നല്ല പെരുമാറ്റവും
7 -സംസാരത്തില് സത്യസന്ധതയുണ്ടാവല്,
8 -ഗുണകാംക്ഷയുണ്ടാവല്,
9- അനാവശ്യമായ ശബ്ദകോലാഹങ്ങള് ഉണ്ടാക്കാതിരിക്കല്.
10 -നന്മ കല്പിക്കലും തിന്മ വിരോധിക്കലും.
No comments:
Post a Comment