عن
أَبي هُرَيْرَةَ قال، أَنَّ رَسُولَ اللهِ صَلَّى اللَّهُ عَلَيْهِ وَسَلَّمَ، قَالَ:
إِذَا قُلْتَ لِصَاحِبِكَ: أَنْصِتْ، يَوْمَ الْجُمُعَةِ، وَالإِمَامُ يَخْطُبُ، فَقَدْ
لَغَوْتَ . – مسلم
അബൂഹുറൈറ رضي الله عنه നിവേദനം. റസൂല് صلى الله عليه وسلم പറഞ്ഞു: വെള്ളിയാഴ്ച ഇമാം ഖുത്ബ നടത്തിക്കൊണ്ടിരിക്കേ താങ്കള് താങ്കളുടെ അടുത്തിരിക്കന്നവനോട് മിണ്ടരുത് എന്ന് പറഞ്ഞാല് താങ്കള് അനാവശ്യം പറഞ്ഞിരിക്കുന്നു- (മുസ്ലിം).
വിവരണം
v ജുമുഅ സന്ദര്ഭത്തില് പാലിക്കേണ്ട മര്യാദയെക്കുറിച്ചാണ് ഈ ഹദീസ് അറിയിക്കുന്നത്.
v വളരെയേറെ പ്രാധാന്യമുള്ള ഒരു കര്മമാണ് ജുമുഅ. അതിന് മുമ്പും ജുമുഅ സമയത്തും ജുമുഅക്ക് ശേഷവുമെല്ലാം ചില മര്യാദകളും സുന്നത്തുകളും പാലിക്കേണ്ടതുണ്ട്. വെറുതെ ഒരു ചടങ്ങായി കഴിച്ചു കൂട്ടേണ്ട കാര്യമല്ല ജുമുഅ.
v ജുമുഅ സമയത്ത് ആരെങ്കിലും സംസാരിക്കുകയാണെങ്കില് നീ മിണ്ടരുത് എന്ന് പോലും പറയാന് പാടില്ല എന്നാണ് നബി ഴ അറിയിച്ചിരിക്കുന്നത്. അങ്ങനെ പറഞ്ഞാല് അവന് അനാവശ്യം സംസാരിച്ചിരിക്കുന്നു, അല്ലെങ്കില് അവന് ജുമുഅയില് ബഹളം വെച്ചിരിക്കുന്നു എന്നാണ്. അവന്റെ ജുമുഅക്ക് ന്യൂനത സംഭവിച്ചിരിക്കുകയും ചെയ്തിരിക്കുന്നു.
v لَغَا എന്നാല് അനാവശ്യ സംസാരം, ബഹളം, ബാത്വിലായ സംസാരം എന്നിവയില് ഇടപെട്ടു എന്നൊക്കെയാണര്ത്ഥം.
v لَغْو വാക്ക് കൊണ്ടും പ്രവര്ത്തനം കൊണ്ടും സംഭവിക്കും. ജുമുഅ നടക്കുമ്പോള് കല്ലിലോ മറ്റു സാധനങ്ങളിലോ തൊട്ടാല് അവന് അനാവശ്യം ചെയ്തിരിക്കുന്നു എന്ന് നബി ഴ പറഞ്ഞിട്ടുണ്ട്. മൊബൈല്, ചാവി പോലുള്ള വസ്തുക്കളില് മനഃപ്പൂര്വ്വം തൊടുന്നത് ഇതില് പെടും.
v ജുമുഅ സമയത്ത് പരിപൂര്ണ്ണമായും മിണ്ടാതിരിക്കല് നിര്ബന്ധമാണ്. ആ സന്ദര്ഭത്തില് സംസാരിച്ചാല് അവന്റെ ജുമുഅയുടെ പ്രതിഫലം നഷ്ടപ്പെടും.
v ഖുത്വ്ബ തുടങ്ങിയത് മുതല് അവസാനിക്കുന്നത് വരെയാണ് നിശബ്ധമായിരിക്കല് നിര്ബന്ധമായിട്ടുള്ളത്. സംസാരിക്കാതെ ചൂണ്ടിക്കാണിച്ചോ മറ്റോ സൂചന നല്കലും ഒഴിവാക്കേണ്ടതാണെന്ന് സലഫുകളുടെ അധ്യാപനങ്ങളില് വന്നിട്ടുണ്ട്.
v ജുമുഅ സമയം സലാം വീട്ടലും തുമ്മിയാല് അല്ഹംദുലില്ലാഹ് പറയുലും പാടില്ലാത്തതാണെന്നാണ് ഭൂരിഭാഗം പണ്ഡിതരുടേയും അഭിപ്രായം.
v ജുമുഅയുടെ സുന്നത്തുകളും, മര്യാദകളും കൃത്യമായി പഠിച്ച് ജുമുഅയുടെ പ്രതിഫലം പരിപൂര്ണ്ണമായി കരസ്ഥമാക്കാന് നാം ശ്രമിക്കണം.
