ദുറൂസുല്‍ ഹദീസ് - ഭാഗം 107 دروس الحديث - ഊഹം ഒരു രോഗമാണ്

 

عَنِ الأَعْرَجِ، قَالَ: قَالَ أَبُو هُرَيْرَةَ: يَأْثُرُ عَنِ النَّبِيِّ صَلَّى اللهُ عَلَيْهِ وَسَلَّمَ، قَالَ: «إِيَّاكُمْ وَالظَّنَّ، فَإِنَّ الظَّنَّ أَكْذَبُ الحَدِيثِ، وَلاَ تَجَسَّسُوا، وَلاَ تَحَسَّسُوا، وَلاَ تَبَاغَضُوا، وَكُونُوا إِخْوَانًا- البخاري ومسلم

അഅ്റജ്  നിവേദനം, അബൂ ഹുറൈറ h നബി  g യില്‍ നിന്ന് റിപ്പോര്‍ട്ട് ചെയ്യുന്ന: നബി  g പറഞ്ഞു: നിശ്ചയം നിങ്ങള്‍ ഊഹത്തെ സൂക്ഷിക്കണം. നിശ്ചയം ഊഹം സംസാരത്തിലെ ഏറ്റവും കളവായതാണ്. നിങ്ങള്‍ ചാരവൃത്തി നടത്തരുത്, നിങ്ങള്‍ കാര്യങ്ങള്‍ ചൂഴ്ന്നന്വേഷിക്കരുത്, നിങ്ങള്‍ പരസ്പരം പക കാണിക്കരുത്. നിങ്ങള്‍ സഹോദരന്‍മാരായിത്തീരുക. (ബുഖാരി, മുസ്ലിം)

വിവരണം

· സാമൂഹികമായി മനുഷ്യര്‍ ശ്രദ്ധിക്കേണ്ട വലിയ മര്യാദകളാണ് ഈ ഹദീസിന്‍റെ ഉള്ളടക്കം. ഇവ സമൂഹത്തിലെ ആളുകള്‍ പാലിച്ചാല്‍ പല പ്രശ്നങ്ങള്‍ക്കും അസ്വാരസ്യങ്ങള്‍ക്കും പരിഹാരമാകും.

·  ഒരു വിശ്വാസി കാര്യങ്ങളില്‍ ഇടപെടേണ്ടത് ഉറപ്പ് കൊണ്ടാണ്, ഊഹം കൊണ്ടല്ല. ഊഹങ്ങള്‍ തെറ്റാവാന്‍ ഇടയുണ്ട്. അല്ലാഹു പറയുന്നു:

ﱡﭐ يَا أَيُّهَا الَّذِينَ آمَنُوا اجْتَنِبُوا كَثِيرًا مِّنَ الظَّنِّ إِنَّ بَعْضَ الظَّنِّ إِثْمٌﱠ الحجرات: ١٢

സത്യവിശ്വാസികളേ, ഊഹത്തില്‍ മിക്കതും നിങ്ങള്‍ വെടിയുക. തീര്‍ച്ചയായും ഊഹത്തില്‍ ചിലത് കുറ്റമാകുന്നു. (ഹുജുറാത്ത്:12)

· നമ്മള്‍ ഊഹിക്കുന്നതാണ് ശരി എന്ന് നമുക്ക് ഉറപ്പിക്കാന്‍ സാധിച്ച് കൊള്ളണമെന്നില്ല. ചിലപ്പോള്‍ അത് സംസാരത്തിലെ വലിയ കളവായി മാറും. അത് കൊണ്ടാണത് സൂക്ഷിക്കണം എന്ന് റസൂല്‍ g പറഞ്ഞത്.

· ഊഹം സംസാരത്തിലെ വലിയ കളവാണ് എന്ന് റസൂല്‍ g പറഞ്ഞത് ഊഹം മനസ്സിന്‍റെ സംസാരമായത് കൊണ്ടാണ്.

· ഊഹം നല്ലതും ചീത്തയും ഉണ്ട്. ഒരാളെ കുറിച്ച് നല്ലത് ഊഹിക്കല്‍ സ്തുത്യര്‍ഹമായ കാര്യമാണ്. അത് പോലെ അല്ലാഹുവിനെ കുറിച്ചും ഒരു വിശ്വാസിക്ക് നല്ല വിചാരം ആയിരിക്കണം.

· അല്ലാഹുവിനെ കുറിച്ചും, ഇതര മനുഷ്യരെ കുറിച്ചും മോശമായി ഊഹിക്കല്‍ മനസ്സിന്‍റെ രോഗമാണ്. അത് അപകടകരവുമാണ്.

· ജനങ്ങളെ കുറിച്ച് മോശമായി ഊഹിക്കാനുള്ള കാരണങ്ങള്‍:

1- ഒരാള്‍ സ്വന്തത്തെ നല്ലവനായി കാണല്‍, മുള്ളവരേക്കാള്‍ ഞാന്‍ നല്ലവനാണെന്ന തോന്നലാണത്.

2- മനസിന്‍റെ വൃത്തികേട് കാരണം.

3- മതവിഷയങ്ങളില്‍ അതിരു വിടലും അമിതമായ കാര്‍ക്കശ്യവും

4- മറ്റുള്ളവരെയും അവരുടെ അഭിപ്രായങ്ങളേയും പരിഗണിക്കാ തിരിക്കല്‍

5- ദേഹേച്ഛയെ പിന്തുടരല്‍

· ഊഹത്തിന്‍റെ അടിസ്ഥാനത്തില്‍ മറ്റുള്ളവരുടെ കുറ്റങ്ങളും കുറവുകളും നോക്കി നടക്കലും (تجسس), അവരുടെ സംസാരങ്ങള്‍ ശ്രദ്ധിക്കലും (تحسس) പാടില്ലാത്തവയാണ്.

· പ്രത്യക്ഷവും പരോക്ഷവുമായ അവരുടെ കുറ്റങ്ങളും കുറവുകളും ചിക്കിചികയാന്‍ പാടില്ല എന്നാണ് ഹദീസിലുള്ളത്.

· അതുപോലെ മുസ്ലീംകള്‍ തമ്മില്‍ പരസ്പരം ദേഷ്യത്തില്‍ കഴിയുകയും അരുത്. വിശ്വാസികള്‍ പരസ്പരം സാഹോദര്യത്തില്‍ കഴിയേണ്ടവരാണ്.

· മറ്റുള്ളവരുടെ കുറ്റങ്ങളും കുറവുകളും പ്രചരിപ്പിക്കുകയല്ല വേണ്ടത്. അവ മറച്ച് വെക്കുകയാണ് വേണ്ടത് എന്ന് നബി g പഠിപ്പിച്ചിട്ടുണ്ട്. അത്തരക്കാര്‍ക്ക് വലിയ പ്രതിഫലങ്ങളുമുണ്ട്.