360 ദുറൂസുല്‍ ഹദീസ് - ഉംദതുല്‍ അഹ്കാം- ഹദീസ് 100- دروس الحديث - സുജൂദ് നേരെയാവാന്‍

 

 

عمدة الأحكام من كلام خير الأنام صلى الله عليه وسلم
المؤلف: عبد الغني بن عبد الواحد بن علي بن سرور المقدسي الجماعيلي الدمشقي الحنبلي، 

أبو محمد، تقي الدين (المتوفى: 600هـ)  

സുജൂദ് നേരെയാവാന്‍

100 - عَنْ أَنَسِ بْنِ مَالِكٍ رضي الله عنه عَنْ النَّبِيِّ صلى الله عليه وسلم قَالَ: ((اعْتَدِلُوا فِي السُّجُودِ وَلا يَبْسُطْ أَحَدُكُمْ ذِرَاعَيْهِ انْبِسَاطَ الْكَلْبِ)) .

അനസ് ബ്നു മാലിക് رضي الله عنه വിൽ നിന്ന് നിവേദനം: നബി صلى الله عليه وسلم പറഞ്ഞു: "നിങ്ങൾ സുജൂദിൽ നേരെ നിലകൊള്ളുക. നായ അതിൻ്റെ കൈകൾ പരത്തിവെക്കുന്നത് പോലെ നിങ്ങളിലൊരാളും തൻ്റെ കൈകൾ നിലത്ത് പരത്തിവെക്കരുത്."

വിവരണം

    സുജൂദിൽ മിതത്വം പാലിക്കാൻ നബി  صلى الله عليه وسلم കൽപ്പിച്ചു. നമസ്കരിക്കുന്നയാൾ സുജൂദിൽ നല്ല രൂപത്തിലായിരിക്കുക എന്നതാണ് അതുകൊണ്ട് ഉദ്ദേശിക്കുന്നത്. അതായത്, തൻ്റെ കൈപ്പത്തികൾ നിലത്ത് വെക്കുകയും, കൈകൾ (ബാക്കി ഭാഗം) ഉയർത്തിവെക്കുകയും, അവയെ തൻ്റെ പാർശ്വങ്ങളിൽ നിന്ന് അകറ്റി നിർത്തുകയും ചെയ്യുക. ഈ അവസ്ഥ നമസ്കാരത്തിൽ ഉന്മേഷത്തിൻ്റെയും നമസ്കാരത്തിലുള്ള താല്പര്യത്തിൻ്റെയും അടയാളമാണ്. മാത്രമല്ല, ഈ നല്ല രൂപം സുജൂദിൻ്റെ എല്ലാ അവയവങ്ങൾക്കും ആരാധനയിൽ അവയുടെ പങ്ക് നിർവഹിക്കാൻ അവസരം നൽകുന്നു.

    സുജൂദിൽ കൈകൾ നിലത്ത് പരത്തി വെക്കുന്നത് വിലക്കപ്പെട്ടിരിക്കുന്നു. കാരണം അത് അലസതയുടെയും വിരസതയുടെയും ലക്ഷണമാണ്. കൂടാതെ, അതിൽ നായയോടുള്ള സാദൃശ്യമുണ്ട്, അത് ഒട്ടും യോജിക്കാത്ത ഒരു സാദൃശ്യമാണ്.

    ഹദീസില്‍ നിന്നുള്ള പാഠങ്ങള്‍

1- ശറഅ് (മതനിയമം) നിർദ്ദേശിച്ച രൂപത്തിൽ സുജൂദിൽ മിതത്വം പാലിക്കൽ നിർബന്ധമാണ്.

2- സുജൂദിൽ കൈകൾ പരത്തി വെക്കുന്നത് നിഷിദ്ധമാണ്. കാരണം അത് അലസതയുടെ ലക്ഷണമാണ്, അതിൽ നായയുടെ ഇരുത്തത്തോട് സാദൃശ്യമുണ്ട്.

3- മൃഗങ്ങളോട് സാദൃശ്യപ്പെടുന്നതിനെതിരെയുള്ള മുന്നറിയിപ്പ്, പ്രത്യേകിച്ചും ആരാധനകൾ നിർവഹിക്കുന്ന സന്ദർഭങ്ങളിൽ.

4- കൈകൾ പരത്തി വെക്കുന്ന ഈ രൂപത്തിൽ നമസ്കാരത്തിലുള്ള ശ്രദ്ധക്കുറവും അതിനോടുള്ള അനാസ്ഥയുമുണ്ട്.

5- സുജൂദിൽ മിതത്വം പാലിക്കുന്നത്, നെറ്റിത്തടം ശരിയായ രൂപത്തിൽ നിലത്ത് ഉറപ്പിക്കാൻ കൂടുതൽ സഹായിക്കും.