359 ദുറൂസുല്‍ ഹദീസ് - ഉംദതുല്‍ അഹ്കാം- ഹദീസ് 99- دروس الحديث - കുഞ്ഞുങ്ങളെ വഹിച്ച് കൊണ്ട് നമസ്കരിക്കല്‍

 

 

عمدة الأحكام من كلام خير الأنام صلى الله عليه وسلم
المؤلف: عبد الغني بن عبد الواحد بن علي بن سرور المقدسي الجماعيلي الدمشقي الحنبلي، 

أبو محمد، تقي الدين (المتوفى: 600هـ)  

കുഞ്ഞുങ്ങളെ 

വഹിച്ച് കൊണ്ട് നമസ്കരിക്കല്‍ 

99 - وَلأَبِي الْعَاصِ بْنِ الرَّبِيعِ بْنِ عَبْدِ شَمْسٍ، فَإِذَا سَجَدَ وَضَعَهَا، وَإِذَا قَامَ حَمَلَهَا))

അബുല്‍ ആസ്വ് ബ്നി റബീഅ' ബ്നി അബ്ദി ശംസ് رضي الله عنه റിപ്പോര്‍ട്ട് ചെയ്യുന്നു: നബി صلى الله عليه وسلم സുജൂദ് ചെയ്യുമ്പോള്‍ കുഞ്ഞിനെ വെക്കുകയും, എഴുന്നേല്‍ക്കുമ്പോള്‍ വഹിക്കുകയും ചെയ്യും. 

വിവരണം

    നബി صلى الله عليه وسلم വലിയവരോടും ചെറിയവരോടും ദയയും കാരുണ്യവും കാണിക്കുന്ന ആളായിരുന്നു. കുട്ടികളെ സ്നേഹിക്കുകയും അവരോട് കരുണ കാണിക്കുകയും ചെയ്യുക എന്നത് നബി صلى الله عليه وسلم യുടെ പതിവായിരുന്നു.

    ഇതിന് മുമ്പുള്ള, അബൂ ഖതാദ അൽ-അൻസാരി رضي الله عنه വിവരിക്കുന്ന ഹദീസില്‍: റസൂൽ صلى الله عليه وسلم ചിലപ്പോൾ ഫർള് നമസ്കരിക്കുമ്പോൾ തൻ്റെ പേരക്കുട്ടിയായ ഉമാമയെ വഹിക്കാറുണ്ടായിരുന്നു എന്ന് നാം മനസ്സിലാക്കി. റസൂൽ صلى الله عليه وسلم യുടെ മകളായ സൈനബിൻ്റെ മകളാണ് ഉമാമ. അവരുടെ പിതാവിൻ്റെ പേര് അബുൽ ആസ് ഇബ്നു റബീഅ് ഇബ്നു അബ്ദു ശംസ് رضي الله عنه എന്നായിരുന്നു.

  നബി صلى الله عليه وسلم നമസ്കാരത്തിൽ നിറുത്തത്തിൽ പ്രവേശിച്ചാൽ അവളെ തൻ്റെ ചുമലിൽ (അതായത് തോളിൽ) വഹിക്കുമായിരുന്നു - ഇത് സ്വഹീഹൈനിയിൽ (ബുഖാരിയിലും മുസ്‌ലിമിലും) സ്ഥിരപ്പെട്ടതാണ്. റുകൂഇലും സുജൂദിലും പോയാൽ കുഞ്ഞിനെ നിലത്ത് വെക്കുമായിരുന്നു. സുജൂദിൽ നിന്ന് ഉയർന്ന് അടുത്ത റക്അത്തിലേക്ക് നിന്നാൽ അവളെ വീണ്ടും ചുമലിലേറ്റുമായിരുന്നു. നമസ്കാരത്തിൽ നിന്ന് വിരമിക്കുന്നത് വരെ അവിടുന്ന് ഇത് തുടരുമായിരുന്നു.

    കുട്ടികളുടെ ശരീരത്തിൽ മൂത്രം, കാഷ്ഠം പോലുള്ള അശുദ്ധികൾ (നജസ്) ഇല്ലെങ്കിൽ, നമസ്കാരത്തിൽ അവരെ വഹിക്കാമെന്ന് ഇതിൽ നിന്ന് മനസ്സിലാക്കാം.

    ഈ ഹദീസിൽ നബി صلى الله عليه وسلم യുടെ കാരുണ്യവും സൽസ്വഭാവവും വ്യക്തമാക്കുന്നു.

    കൂടാതെ, നമസ്കാരത്തിലെ ലഘുവായ ചലനങ്ങളും കുട്ടികളെ വഹിക്കുന്നതും നമസ്കാരത്തെ ബാത്വിലാക്കുകയില്ലെന്നും, ഒന്നിലധികം പ്രവർത്തനങ്ങൾ തുടർച്ചയായിട്ടല്ലാതെ ഇടവിട്ട് ചെയ്താൽ അത് നമസ്കാരത്തെ ദുർബലമാക്കുകയില്ലെന്നും ഈ ഹദീസ് പഠിപ്പിക്കുന്നു.

ഹദീസില്‍ നിന്നുള്ള പാഠങ്ങള്‍

1- ചെറിയ കുട്ടികളെ പള്ളിയില്‍ കൊണ്ട് വരാവുന്നതാണ്. 

2- ചെറിയ കുട്ടികളെ പള്ളിയില്‍ കൊണ്ട് വരുമ്പോള്‍ മറ്റുള്ളവര്‍ക്ക് ശല്യമാവാതിരിക്കാന്‍ ശ്രദ്ധിക്കണം.

3- ചെറിയ കുട്ടികളെ വഹിച്ചു കൊണ്ട് നമസ്കരിക്കാവുന്നതാണ്. 

4- ഇമാം ആയി നമസ്കരിക്കുന്ന ആള്‍ക്ക് വരെ കുഞ്ഞിനെ വഹിച്ച് കൊണ്ട് നമസ്കരിക്കാവുന്നതാണ്. 

5- നില്‍ക്കുന്ന അവസ്ഥയില്‍ കുഞ്ഞിനെ എടുക്കുകയും റുകൂഅ' , സുജൂദ് എന്നീ അവസ്ഥകളില്‍ കുഞ്ഞിനെ നിലത്ത് വെക്കുകയും ചെയ്യാം.