عمدة الأحكام من كلام خير الأنام صلى الله عليه وسلم
المؤلف: عبد الغني بن عبد الواحد بن علي بن سرور المقدسي الجماعيلي الدمشقي الحنبلي،
أبو محمد، تقي الدين (المتوفى: 600هـ)
നമസ്കാരത്തിലെ അത്യാവശ്യ ചലനങ്ങള്
115 - عَنْ عَائِشَةَ رضي الله عنها قَالَتْ:
((كُنْتُ أَنَامُ بَيْنَ يَدَيْ رَسُولِ اللَّهِ صلى الله عليه وسلم -
وَرِجْلايَ فِي قِبْلَتِهِ - فَإِذَا سَجَدَ غَمَزَنِي، فَقَبَضْتُ رِجْلَيَّ.
فَإِذَا قَامَ بَسَطْتُهُمَا. وَالْبُيُوتُ يَوْمَئِذٍ لَيْسَ فِيهَا مَصَابِيحُ))
.
ആഇശ رضي الله عنها യിൽ നിന്ന് നിവേദനം: അവർ പറഞ്ഞു: ((ഞാൻ അല്ലാഹുവിൻ്റെ റസൂല് صلى الله عليه وسلم യുടെ മുന്നിൽ ഉറങ്ങാറുണ്ടായിരുന്നു, എൻ്റെ കാലുകൾ റസൂല് صلى الله عليه وسلم യുടെ ഖിബ്ലയുടെ (നമസ്കരിക്കുന്ന ദിശയിൽ) ഭാഗത്തായിരുന്നു. റസൂല് صلى الله عليه وسلم സുജൂദ് ചെയ്യുമ്പോൾ എൻ്റെ കാലിൽ തട്ടും, അപ്പോൾ ഞാൻ എൻ്റെ കാലുകൾ പിടിച്ചു വെക്കും. റസൂല് صلى الله عليه وسلم എഴുന്നേറ്റുനിന്നാൽ ഞാൻ അവ (വീണ്ടും) നീട്ടിവെക്കും. അക്കാലത്ത് വീടുകളിൽ വിളക്കുകൾ ഉണ്ടായിരുന്നില്ല.))
വിവരണം
ഈ ഹദീസിൽ, ആഇശ رضي الله عنها അറിയിക്കുന്നത്: അവർ അല്ലാഹുവിൻ്റെ റസൂല് صلى الله عليه وسلم യുടെ മുന്നിൽ ഉറങ്ങാറുണ്ടായിരുന്നു, അപ്പോൾ അവരുടെ രണ്ട് കാലുകൾ റസൂല് صلى الله عليه وسلم യുടെ ഖിബ്ലയുടെ ഭാഗത്താകുമായിരുന്നു. അതായത്: നബി صلى الله عليه وسلم തൻ്റെ കുടുംബത്തിൻ്റെ വിരിപ്പിൽ വെച്ച് തഹജ്ജുദ് നമസ്കരിക്കുമായിരുന്നു. അവര് നമസ്കരിക്കുന്ന സമയത്ത് ആഇശ റസൂല് صلى الله عليه وسلم ക്കും, ഖിബ്ലക്കും ഇടയിലായി ഉറങ്ങിക്കിടക്കുമായിരുന്നു.
റസൂല് صلى الله عليه وسلم സുജൂദ് ചെയ്യുമ്പോൾ, താൻ സുജൂദ് ചെയ്യാൻ ഉദ്ദേശിക്കുന്നു എന്ന് അവരെ അറിയിക്കുന്നതിനായി റസൂല് صلى الله عليه وسلم യുടെ കൈകൊണ്ട് അവരെ സ്പർശിക്കുമായിരുന്നു. അപ്പോൾ അവർ തൻ്റെ കാലുകൾ പിൻവലിക്കുകയും, അവ കൂട്ടിപ്പിടിക്കുകയും ചെയ്യും. അദ്ദേഹത്തിന് സുജൂദ് ചെയ്യാൻ സൗകര്യമൊരുക്കുന്നതിന് വേണ്ടിയാണിത്. റസൂല് صلى الله عليه وسلم (സുജൂദിൽ നിന്ന്) എഴുന്നേറ്റു നിന്നാൽ അവർ ആ കാലുകൾ (വീണ്ടും) നീട്ടിവെക്കും.
അക്കാലത്ത് വീടുകളിൽ വെളിച്ചമോ വിളക്കുകളോ ഉണ്ടായിരുന്നില്ല; അവരുടെ അവസ്ഥ വിഭവങ്ങൾ കുറഞ്ഞതും പരിത്യാഗത്തിൻ്റെതു മായിരുന്നു എന്നതിനാലാണിത്.
സ്ത്രീയെ സ്പർശിക്കുന്നത്, അതൊരു മറയില്ലാതെയാണെങ്കിൽ പോലും, വുളു മുറിക്കുകയില്ല; കാരണം നബി صلى الله عليه وسلم ഇരുട്ടത്താണ് അവരെ തട്ടി ഉണര്ത്തിയിരുന്നത്.
നമസ്കരിക്കുന്ന ആളുടെ മുമ്പില് വല്ല തടസ്സങ്ങളും ഉണ്ടായാല് നമസ്കാരത്തില് തന്നെ അത് മാറ്റാവുന്നതാണ്. അങ്ങനെയുള്ള ലഘുവായ പ്രവര്ത്തനങ്ങള് നമസ്കാരത്തെ ബാധിക്കുകയില്ല.
ഹദീസില് നിന്നുള്ള പാഠങ്ങള്
ഒരാൾക്ക് തന്റെ ഭാര്യ അയാളുടെ മുന്നിലായിരിക്കെ അവളുടെ നേരെ തിരിഞ്ഞ് നമസ്കരിക്കാനുള്ള അനുവാദം ഈ ഹദീസില് ഉണ്ട്, ചിലർ അത് വെറുത്തിരിക്കുന്നു (കറാഹത്തായി എണ്ണിയിരിക്കുന്നു). നമസ്കാരത്തില് നിന്ന് ഹൃദയം അവളിൽ വ്യാപൃതമാകുമെന്നതിനാലും അവളിലേക്ക് നോക്കുമെന്നതിനാലും (ആണ് ഇത്). നബി صلى الله عليه وسلم ഇതിൽ നിന്ന് വ്യത്യസ്തനാണ്; കാരണം അവിടുന്ന് അതിൽ നിന്നെല്ലാം പരിശുദ്ധനാണ്.
രാത്രിയുടെ അവസാനത്തേക്ക് വിത്ർ നമസ്കാരം പിന്തിക്കുന്നത് അഭികാമ്യമാണ് (മുസ്തഹബ്ബ്) എന്നതിലേക്ക് (സൂചനയുണ്ട്).
ഒരാൾക്ക് രാത്രിയുടെ അവസാനത്തിൽ ഉണരുമെന്ന് ഉറപ്പുണ്ടെങ്കിൽ അയാൾ വിത്ർ നമകാരം പിന്തിക്കുന്നത് അഭികാമ്യമാണ്. എന്നാൽ ഉറങ്ങിപ്പോകുമെന്നും എഴുന്നേൽക്കാൻ കഴിയില്ലെന്നും ഭയപ്പെടുന്നയാൾ, ഉറങ്ങുന്നതിന് മുമ്പ് നമസ്കരിക്കുന്നതാണ് അയാൾക്ക് ഏറ്റവും ഉത്തമം.
നമസ്കാരത്തിലെ നിസ്സാരമായ പ്രവർത്തനങ്ങൾ അതിനെ ബാധിക്കുകയില്ല (അസാധുവാക്കുകയില്ല).
ഉറങ്ങുന്നയാൾക്ക് നേരെ തിരിഞ്ഞ് നമസ്കരിക്കാൻ അനുവാദമുണ്ട്. ചിലർ അത് വെറുത്തിരിക്കുന്നു.
ചിലർ പറഞ്ഞു: 'എന്നെ തട്ടി' എന്ന അവരുടെ (ആഇശ رضي الله عنها യുടെ) വാക്ക്, സ്ത്രീയെ സ്പർശിക്കുന്നത് കൊണ്ട് വുദൂഅ' മുറിക്കുകയില്ല എന്നതിന് തെളിവായി പണ്ഡിതന്മാര് എടുത്തിട്ടുണ്ട്. വികാരത്തോടെയുള്ള സ്പര്ശനത്താലാണ് വുദൂഅ' നഷ്ടപ്പെടുക.
ആഇശ رضي الله عنها യുടെ പ്രവൃത്തി സൂചിപ്പിക്കുന്നത് അവർ ഉറക്കത്തിൽ പൂർണ്ണമായും മുഴുകിയിരുന്നില്ല, മയക്കത്തിലായിരുന്നു എന്നാണ്; കാരണം അവർ ഗാഢനിദ്രയിലായിരുന്നെങ്കിൽ അവർക്കൊന്നും അറിയാൻ സാധിക്കുമായിരുന്നില്ല.
വിരിപ്പിൽ വെച്ച് നമസ്കരിക്കുന്നതിന് അനുവാദമുണ്ട്.
ഖിബ്ലയുടെ ദിശയിൽ ഉറങ്ങുന്നയാളും, അതിലൂടെ നടക്കുന്നയാളും തമ്മിലുള്ള വ്യത്യാസം: അതിലൂടെ നടക്കുന്നത് ഹറാമാണ്. എന്നാൽ അവിടെ സ്ഥിരമായി നിൽക്കുന്നതിന് വിരോധമില്ല, അയാൾ ഉറങ്ങുന്നവനായാലും അല്ലാത്തവനായാലും.
ഉറങ്ങാനും ഇരിക്കാനും ഉപയോഗിക്കുന്ന വിരിപ്പ്, അതിൽ നജസ് (അശുദ്ധി) പുരളാത്ത കാലത്തോളം അതിൻ്റെ അടിസ്ഥാനം ശുദ്ധിയുള്ളതാണ് എന്നതാണ്.
No comments:
Post a Comment