عمدة الأحكام من كلام خير الأنام صلى الله عليه وسلم
المؤلف: عبد الغني بن عبد الواحد بن علي بن سرور المقدسي الجماعيلي الدمشقي الحنبلي،
أبو محمد، تقي الدين (المتوفى: 600هـ)
തവാഫുല് ഇഫാദ
ഹജ്ജിന്റെ പ്രധാന ഘടകം
ആഇശ رضي الله عنها പറഞ്ഞു: "ഞങ്ങൾ നബി صلى الله عليه وسلم യോടൊപ്പം ഹജ്ജ് ചെയ്തു. അങ്ങനെ ബലിപെരുന്നാൾ ദിവസം ഞങ്ങൾ (ത്വവാഫുൽ ഇഫാദ കഴിഞ്ഞ്) മടങ്ങി. അപ്പോൾ സ്വഫിയ്യ رضي الله عنها ആർത്തവകാരിയായി. അപ്പോൾ ഒരു ഭര്ത്താവ് തന്റെ ഭാര്യയിൽ നിന്ന് ആഗ്രഹിക്കുന്നത് (ലൈംഗിക ബന്ധം) നബി صلى الله عليه وسلم അവളിൽ നിന്നും ആഗ്രഹിച്ചു. അപ്പോൾ ഞാൻ പറഞ്ഞു: 'അല്ലാഹുവിന്റെ റസൂലേ, അവൾ ആർത്തവകാരിയാണ്.' അദ്ദേഹം ചോദിച്ചു: 'അവൾ നമ്മെ തടഞ്ഞുവെക്കാൻ പോവുകയാണോ?' (അതായത്, ആർത്തവം കാരണം ത്വവാഫുൽ ഇഫാദ ചെയ്യാൻ കഴിയാതെ അവർക്ക് അവിടെ തങ്ങേണ്ടി വരുമോ എന്ന്). അവർ പറഞ്ഞു: 'അല്ലാഹുവിന്റെ റസൂലേ, അവൾ ബലിപെരുന്നാൾ ദിവസം തന്നെ ത്വവാഫുൽ ഇഫാദ നിർവ്വഹിച്ചിട്ടുണ്ട്.' അപ്പോൾ അദ്ദേഹം പറഞ്ഞു: 'എങ്കിൽ നിങ്ങൾ പുറപ്പെട്ടുകൊള്ളുക.'"
മറ്റൊരു നിവേദനത്തിൽ ഇപ്രകാരമാണുള്ളത്: നബി صلى الله عليه وسلم പറഞ്ഞു: "അഖ്റാ, ഹൽഖാ (അറബികൾ ഗൗരവമില്ലാതെ പ്രയോഗിക്കുന്ന ചില ശകാരവാക്കുകൾ). അവൾ ബലിപെരുന്നാൾ ദിവസം ത്വവാഫ് ചെയ്തിട്ടുണ്ടോ?" 'അതെ' എന്ന് മറുപടി നൽകപ്പെട്ടപ്പോൾ നബി صلى الله عليه وسلم പറഞ്ഞു: "എങ്കിൽ നീ യാത്ര തിരിച്ചുകൊള്ളുക."
أَفَاضَتْ: ത്വവാഫുൽ ഇഫാദ (ഹജ്ജിന്റെ പ്രധാന ത്വവാഫ്) നിർവ്വഹിച്ചു.
يَوْمَ النَّحْرِ: ബലിപെരുന്നാൾ ദിവസം (ദുൽഹിജ്ജ 10).
عَقْرَى، حَلْقَى: മുറിവേൽക്കട്ടെ, മുടി ചിരട്ടപ്പെടട്ടെ എന്നൊക്കെയാണ് ഇതിന്റെ അർത്ഥമെങ്കിലും, ഗൗരവമായ അർത്ഥത്തിലല്ലാതെ അറബികൾ സംസാരത്തിനിടയിൽ പ്രയോഗിക്കുന്ന വാക്കുകളാണിവ. 'നിന്റെ കൈകൾ മണ്ണിലാകട്ടെ' (تربت يداه), 'നിന്റെ ഉമ്മക്ക് നിന്നെ നഷ്ടപ്പെടട്ടെ' (ثكلتك أمك) തുടങ്ങിയ പ്രയോഗങ്ങൾക്ക് സമാനമാണിത്.
انْفِرِي / اُخْرُجُوا: പുറപ്പെടുക / യാത്ര തിരിക്കുക.
ഹജ്ജിന്റെ പ്രധാനപ്പെട്ട അവിഭാജ്യ ഘടകങ്ങളിൽ (റുക്ൻ) ഒന്നാണ് ത്വവാഫുൽ ഇഫാദ. ത്വവാഫ് സാധുവാകാൻ ശുദ്ധി (വുളൂഅ്/ശുദ്ധി) നിർബന്ധമാണ്. അതിനാൽ, ഒരു സ്ത്രീ ത്വവാഫുൽ ഇഫാദ നിർവ്വഹിക്കുന്നതിന് മുൻപ് ആർത്തവകാരിയായാൽ, അവൾ ശുദ്ധിയാകുന്നത് വരെ ത്വവാഫ് ചെയ്യാന് പാടില്ല. ശുദ്ധിയായ ശേഷം ത്വവാഫുൽ ഇഫാദ നിർവ്വഹിക്കേണ്ടതുണ്ട്. എന്നാൽ ത്വവാഫുൽ വദാഇന്റെ കാര്യം ഇതിൽ നിന്ന് വ്യത്യസ്തമാണ്; ആർത്തവകാരികളായ സ്ത്രീകൾക്ക് അത് ഒഴിവാക്കാൻ അനുവാദമുണ്ട്. ഈ ഹദീസ് അതാണ് വ്യക്തമാക്കുന്നത്.
ഉമ്മുൽ മുഅ്മിനീൻ ആഇശ رضي الله عنها നിവേദനം ചെയ്യുന്നു: നബി صلى الله عليه وسلم യോടൊപ്പം വിടവാങ്ങൽ ഹജ്ജ് ചെയ്തപ്പോൾ, ദുൽഹിജ്ജ 10-ന് (ബലിപെരുന്നാൾ ദിവസം) എല്ലാവരും ത്വവാഫുൽ ഇഫാദ നിർവ്വഹിച്ചു. അതിനുശേഷം ഉമ്മുൽ മുഅ്മിനീൻ സ്വഫിയ്യ ബിന്ത് ഹുയയ്യ് رضي الله عنها ആർത്തവകാരിയായി. ത്വവാഫുൽ ഇഫാദ കഴിഞ്ഞതിനാൽ, ഒരു ഭര്ത്താവ് തന്റെ ഭാര്യയിൽ നിന്ന് ആഗ്രഹിക്കുന്നത് (ലൈംഗിക ബന്ധം) നബി صلى الله عليه وسلم അവളിൽ നിന്നും ആഗ്രഹിച്ചു. രണ്ടാമത്തെ തഹല്ലുലിന് ശേഷം (ത്വവാഫുൽ ഇഫാദക്ക് ശേഷം) ഇത് അനുവദനീയമാണ്.
സ്വഫിയ്യ رضي الله عنها ആർത്തവകാരിയാണെന്ന് അറിഞ്ഞപ്പോൾ, അവൾ ത്വവാഫുൽ ഇഫാദക്ക് മുൻപേ ആണോ ആർത്തവകാരിയായതെന്ന് നബി صلى الله عليه وسلم സംശയിച്ചു. എങ്കിൽ അവൾ ശുദ്ധിയാകുന്നത് വരെ എല്ലാവർക്കും അവിടെ തങ്ങേണ്ടി വരുമല്ലോ എന്ന ആശങ്കയാൽ നബി صلى الله عليه وسلم ചോദിച്ചു: "അവൾ നമ്മെ തടഞ്ഞുവെക്കുകയാണോ?" അതായത്, അവൾക്ക് വേണ്ടി നമ്മൾ ഇവിടെ കാത്തുനിൽക്കേണ്ടി വരുമോ എന്ന്. എന്നാൽ അവൾ നേരത്തെ തന്നെ മറ്റുള്ളവരോടൊപ്പം ത്വവാഫുൽ ഇഫാദ നിർവ്വഹിച്ചിട്ടുണ്ടെന്ന് ആഇശ رضي الله عنها നബി صلى الله عليه وسلم യെ അറിയിച്ചു.
ഇതറിഞ്ഞതോടെ അവിടെ തങ്ങേണ്ടി വരുമെന്ന നബി صلى الله عليه وسلم യുടെ ആശങ്ക മാറി. സ്വഫിയ്യ رضي الله عنها ഹജ്ജിന്റെ പ്രധാന ത്വവാഫ് പൂർത്തിയാക്കിയതിനാൽ, അവർക്ക് മടങ്ങാൻ അദ്ദേഹം അനുവാദം നൽകി. ആർത്തവകാരി ആയതിനാൽ ത്വവാഫുൽ വദാഅ് ഒഴിവാക്കാൻ സ്വഫിയ്യ رضي الله عنها ക്ക് നബി صلى الله عليه وسلم ഇളവ് നൽകുകയും ചെയ്തു.
1- ബലിപെരുന്നാൾ ദിവസം (ദുൽഹിജ്ജ 10) ന് ത്വവാഫുൽ ഇഫാദ നിർവ്വഹിക്കല് ഏറ്റവും ഉത്തമമാണ്.
5- ഒരാൾ അറിയാതെ ഒരു തെറ്റായ കാര്യം ചെയ്യാൻ ഒരുങ്ങുമ്പോൾ അത് ചൂണ്ടിക്കാണിച്ചു കൊടുക്കൽ നിർബന്ധമാണ്.
8- ഹജ്ജ് സംഘത്തിന്റെ നേതാവോ കൂടെയുള്ളവരോ, ഒരു സ്ത്രീക്ക് ആർത്തവം കാരണം ത്വവാഫുൽ ഇഫാദ ചെയ്യാൻ കഴിഞ്ഞിട്ടില്ലെങ്കിൽ അവൾ ശുദ്ധിയാകുന്നത് വരെ കാത്തുനിൽക്കാൻ ബാധ്യസ്ഥരാണ്.
12- ആർത്തവകാരികൾക്ക് വിടവാങ്ങല് ത്വവാഫ് (ത്വവാഫുൽ വദാഅ്) ഒഴിവാക്കാം. ഇതിന് പകരമായി ബലി (ഫിദ്യ) നൽകേണ്ടതില്ല.
No comments:
Post a Comment