عمدة الأحكام من كلام خير الأنام صلى الله عليه وسلم
المؤلف: عبد الغني بن عبد الواحد بن علي بن سرور المقدسي الجماعيلي الدمشقي الحنبلي،
أبو محمد، تقي الدين (المتوفى: 600هـ)
വുദൂഇന്റെ രൂപം
8 - عَنْ حُمْرَانَ مَوْلَى عُثْمَانَ بْنِ
عَفَّانَ رضي اللهُ عنهما: ((أَنَّهُ رَأَى عُثْمَانَ دَعَا بِوَضُوءٍ،
فَأَفْرَغَ عَلَى يَدَيْهِ مِنْ إنَائِهِ، فَغَسَلَهُمَا ثَلاثَ مَرَّاتٍ، ثُمَّ
أَدْخَلَ يَمِينَهُ فِي الْوَضُوءِ، ثُمَّ تَمَضْمَضَ وَاسْتَنْشَقَ
وَاسْتَنْثَرَ، ثُمَّ غَسَلَ وَجْهَهُ ثَلاثاً، وَيَدَيْهِ إلَى الْمِرْفَقَيْنِ
ثَلاثًا، ثُمَّ مَسَحَ بِرَأْسِهِ، ثُمَّ غَسَلَ كِلْتَا رِجْلَيْهِ ثَلاثًا، ثُمَّ قَالَ: رَأَيْتُ النَّبِيَّ - صلى الله عليه وسلم - يَتَوَضَّأُ نَحْوَ
وُضُوئِي هَذَا، وَقَالَ: ((مَنْ تَوَضَّأَ نَحْوَ وُضُوئِي هَذَا، ثُمَّ صَلَّى
رَكْعَتَيْنِ، لا يُحَدِّثُ فِيهِمَا نَفْسَهُ غُفِرَ لَهُ مَا تَقَدَّمَ مِنْ
ذَنْبِهِ))
ഹുംറാന് رحمه اللهُ -ഉസ്മാനു ബ്നു അഫ്ഫാന് رضي اللهُ عنه മോചിപ്പിച്ച അടിമ- പറഞ്ഞു: ഉസ്മാന് رضي اللهُ عنه വുദൂഇനുള്ള വെള്ളം കൊണ്ട് വരാന് പറയുന്നതായി അദ്ദേഹം കണ്ടു. എന്നിട്ട് അദ്ദേഹത്തിന്റെ പാത്രത്തില് നിന്ന് തന്റെ രണ്ട് കൈകളിലേക്കും വെള്ളം ഒഴിച്ചു. അങ്ങനെ അവ രണ്ടും മൂന്ന് പ്രാവശ്യം കഴുകി. പിന്നെ അദ്ദേഹത്തിന്റെ വലത് കൈ വുദൂഇന്റെ വെള്ളത്തില് പ്രവേശിപ്പിച്ചു, പിന്നെ കൊപ്ലിക്കുകയും മൂക്കില് വെള്ളം കയറ്റി ചീറ്റുകയും ചെയ്തു. പിന്നെ അദ്ദേഹത്തിന്റെ മുഖവും ഇരു കൈകളും മുട്ട് വരെ മൂന്ന് തവണ കഴുകി. പിന്നെ അദ്ദേഹത്തിന്റെ തല തടവി. പിന്നെ അദ്ദേഹത്തിന്റെ ഇരു കൈകളും മൂന്ന് തവണ കഴുകി. എന്നിട്ട് പറഞ്ഞു: പിന്നെ പറഞ്ഞു: എന്റെ ഈ വുദൂഅ' പോലെ നബി صلى الله عليه وسلم വുദൂഅ' ചെയ്യുന്നതായി ഞാന് കണ്ടു. എന്നിട്ട് (നബി صلى الله عليه وسلم) പറഞ്ഞു: ആരെങ്കിലും എന്റെ ഈ വുദൂഅ' പോലെ ആരെങ്കിലും വുദൂഅ' ചെയ്യുകയും പിന്നെ (നമസ്കാരവുമായി ബന്ധമില്ലാത്ത) കാര്യങ്ങള് മനസ്സില് മന്ത്രിക്കാതെ (ഭക്തിയോടെ) രണ്ട് റക്അത്ത് നമസ്കരിക്കുകയും ചെയ്താല് അവന് മുമ്പ് ചെയ്ത പാപങ്ങള് പൊറുക്കപ്പെടും.
بِوَضوءٍ: الوَضوءُ بفتحِ الواوِ، معناه الماءُ الذي يتوضأُ بِهِ، وبضمِّها، فعلُ الوُضوءِ.
വദൂഅ' എന്നാല് വുദൂഅ' ചെയ്യാനുള്ള വെള്ളത്തിനാണ് പറയുന്നത്. വുദൂഅ' എന്നാല് അംഗ ശുദ്ധിയുമാണ്.
വിവരണം
- സ്വഹാബികള് സുന്നത്തുകള് പഠിക്കുകയും അത് മറ്റുള്ളവരിലേക്ക് എത്തിക്കുകയും ചെയ്യുന്നതില് അതീവ താല്പരരായിരുന്നു.
- ഇസ്ലാമിന്റെ തനതായ കാര്യങ്ങള് മറ്റുള്ളവരിലേക്ക് എത്തിക്കാന് അത് വളരെ സഹായകമായിരുന്നു.
- ഹുംറാന് رحمه الله താബിഈ പണ്ഡിതന് ആയിരുന്നു. അദ്ദേഹം അടിമയും അദ്ദേഹത്തെ മോചിപ്പിച്ചത് ഉസ്മാന് رضي الله عنه വും ആയിരുന്നു.
- ഒരിക്കല് ഉസ്മാന് رضي الله عنه വുദൂഅ' ചെയ്യാന് വെള്ളം കൊണ്ട് വരാന് ആവശ്യപ്പെട്ടത് ഹുംറാന് رحمه الله കാണുകയുണ്ടായി. അതിന്റെ വിവരങ്ങളാണ് ഈ ഹദീസില് ഉള്ളത്. ഉസ്മാന് رضي الله عنه വുദൂഇന്റെ രൂപം ജനങ്ങള്ക്ക് വ്യക്തമാക്കി ക്കൊടുക്കുകയായിരുന്നു.
- വുദൂഇനുള്ള വെള്ളം കൊണ്ട് വന്നപ്പോള് അതിലേക്ക് കൈ ഇടുന്നതിനു മുമ്പായി തന്റെ ഇരു കൈപടങ്ങളും മൂന്ന് പ്രാവശ്യം അദ്ദേഹം കഴുകുകയുണ്ടായി. വുദൂഇന്റെ വെള്ളം വൃത്തിയോടെ ഉപയോഗിക്കാന് വേണ്ടിയായിരുന്നു ഇത്.
വുദൂഇന്റെ രൂപം
- ഈ ഹദീസില് വുദൂഇന്റെ കര്മപരമായ രൂപമാണ് വിവരിക്കുന്നത്. വുദൂഇന്റെ ഓരോ കാര്യങ്ങള് ക്രമത്തില് അദ്ദേഹം ജനങ്ങള്ക്ക് കാണിച്ചു കൊടുത്തു.
- വുദൂഇന്റെ വെള്ളത്തില് കൈ കടത്തുന്നതിന് മുമ്പ് ഇരു കൈപടങ്ങളും മൂന്ന് പ്രാവശ്യം കഴുകി.
- പിന്നെ ഇരു കൈപടങ്ങളിലും വെള്ളമെടുത്ത് കൊപ്ലിക്കുകയും മൂക്കില് വെള്ളം കയറ്റി ചീറ്റുകയും ചെയ്തു.
- വായ വൃത്തിയാവാന് അതിലേക്ക് വെള്ളം കയറ്റി ശക്തിയായി ചലിപ്പിക്കുന്നതാണ് വായ കൊപ്ലിക്കല്. പിന്നെ വെള്ളം പുറത്തേക്ക് കളയുകയും ചെയ്യുന്നു.
- അതിന് ശേഷം മൂക്കില് വെള്ളം കയറ്റി ചീറ്റുന്നു. മൂക്കിലെ മാലിന്യങ്ങള് പുറത്ത് പോകും വിധം ഇത് ചെയ്യണം.
- അതിന് ശേഷം മുഖം മൂന്ന് തവണ കഴുകണം. മുഖത്തിന്റെ പരിധി മുഖത്തിന്റെ മുകളില് മുടി വളരുന്ന സ്ഥലം മുതല് താടിയെല്ലിന്റെ അടിയില് വരെയും രണ്ട് ചെവികള്ക്കിടയിലും ആയാണ്. ഈ ഭാഗം കൃത്യമായി മൂന്ന് തവണ കഴുകണം.
- അതിന് ശേഷം ഇരു കൈകളും മുട്ട് വരെ മൂന്ന് പ്രാവശ്യം കഴുകണം. ശേഷം തല ഒരു പ്രാവശ്യം തടവണം. തലയില് സാധാരണ മുടി വരുന്ന ഭാഗമാണ് തടവേണ്ടത്. കൈയില് വെള്ളം നനച്ച് മുന്നില് നിന്ന് പിന്നിലേക്കും തുടര്ന്ന് മുന്നിലേക്കും തടവണം.
- ശേഷം ഇരു കാലുകളും മൂന്ന് തവണ കഴുകണം.
- ഇങ്ങനെ വുദൂഅ' ചെയ്ത് കാണിച്ച് ഉസ്മാന് رضي الله عنه പറഞ്ഞു: ഞാന് ഈ വുദൂഅ' ചെയ്ത പോലെ റസൂല് صلى الله عليه وسلم വുദൂഅ' ചെയ്യുന്നതായി ഞാന് കണ്ടു. അഥവാ അദ്ദേഹം നബി صلى الله عليه وسلم യില് നിന്ന് പഠിച്ച വുദൂഇന്റെ രൂപം ജനങ്ങള്ക്ക് കാണിച്ച് കൊടുക്കുകയായിരുന്നു.
- ഇങ്ങനെ ഒരാള് വുദൂഅ' ചെയ്യുകയും ശേഷം ഭക്തിയോടെ രണ്ട് റക്അത്ത് നമസ്കരിക്കുകയും ചെയ്താല് അവന് മുമ്പ് ചെയ്ത പാപങ്ങള് പോറുക്കപ്പെടും എന്ന് നബി صلى الله عليه وسلم പറഞ്ഞിരിക്കുന്നു എന്ന് അദ്ദേഹം ജനങ്ങളെ അറിയിക്കുകയും ചെയ്തു.
No comments:
Post a Comment