عمدة الأحكام من كلام خير الأنام صلى الله عليه وسلم
المؤلف: عبد الغني بن عبد الواحد بن علي بن سرور المقدسي الجماعيلي الدمشقي الحنبلي،
أبو محمد، تقي الدين (المتوفى: 600هـ)
വുദൂഇനാല് ലഭിക്കുന്ന ആഭരണം
12 - وَفِي لَفْظٍ لِمُسْلِمٍ: سَمِعْتُ
خَلِيلِي - صلى الله عليه وسلم - يَقُولُ: ((تَبْلُغُ الْحِلْيَةُ مِنْ
الْمُؤْمِنِ حَيْثُ يَبْلُغُ الْوُضُوءُ)) .
ഇമാം മുസ്ലിം رحمه الله യുടെറെ റിപ്പോര്ട്ടില് ഇങ്ങനെ കാണാം: (അബൂഹുറൈറ رضي الله عنه പറഞ്ഞു: എന്റെ കൂട്ടുകാരന് റസൂല് صلى الله عليه وسلم പറയുന്നതായി ഞാന് കേട്ടു: ഒരു വിശ്വാസിക്ക് അവന്റെ വുദൂഅ' എത്തുന്നിടത്തെല്ലാം (പ്രാകാശം കൊണ്ടുള്ള) ആഭരണം എത്തും.
الحِلْيةُ:ആഭരണം
വിവരണം
വുദൂഉം ശുദ്ധീകരണവും വിശ്വാസികളുടെ അടയാളങ്ങളാണ്. വുദൂഇന്റെ അവയവങ്ങള് പരലോകത്ത് പ്രകാശിക്കുന്നതായി മാറും.
ഈ ഹദീസിൽ താബിഈയായ അബൂ ഹാസിം അഷ്ജഅീ رحمه الله അറിയിക്കുന്ന കാര്യങ്ങളാണ്. അദ്ദേഹം അബൂഹുറൈറ رضي الله عنه വൂദു ചെയ്യുമ്പോൾ പിന്നിൽ നിന്നിരുന്നു. അബൂഹുറൈറ رضي الله عنه വുദൂഇന്റെ അവയവങ്ങള് കൈകള് കക്ഷം വരെ എത്തുവോളം കഴുകുന്നുണ്ടായിരുന്നു. ഇങ്ങനെ ചെയ്യുന്നതിന്റെ കാരണം അബൂ ഹാസിം رحمه الله ചോദിച്ചപ്പോള് അബൂഹുറൈറ رضي الله عنه പറഞ്ഞു:
"യാ ബനീ ഫറൂഖ് (بنو فروخ), നിങ്ങൾ ഇവിടെ ഉണ്ടായിരുന്നോ?"
ബനൂ ഫറൂഖ് എന്നത് അജം (അറബ് അല്ലാത്തവർ) ആയ ഗോത്രം എന്നർത്ഥം, മറ്റൊരു വിവരണപ്രകാരം ഫറൂഖ് (فروخ) എന്നത് ഇബ്റാഹീം عليه السلام ന്റെ പുത്രൻ (ഇസ്മാഈൽ, ഇസ്ഹാഖ് എന്നിവരുടെ സഹോദരൻ) ആയ ഫറൂഖിന്റെ സന്തതിയാണ് എന്ന് പറയുന്നു.
അപ്പോൾ അബൂഹുറൈറ رضي الله عنه വിശദീകരിച്ച് പറഞ്ഞു: ഇങ്ങനെ ഒരാൾ നോക്കി നിൽക്കുന്നതായി ഞാന് അറിഞ്ഞിരുന്നുവെങ്കിൽ ഇത്തരത്തിൽ വൂദു ചെയ്യില്ലായിരുന്നു എന്ന്. ഇതിലൂടെ അബൂഹുറൈറ رضي الله عنه ഉദ്ദേശിച്ചത്:
ഒരു പണ്ഡിതന് അല്ലെങ്കിൽ മാതൃകായോഗ്യനായ ആരെങ്കിലും തന്റെ വ്യക്തിപരമായ കർശന നിലപാടുകളോ ഇളവുകളോ അല്ലെങ്കില് മറ്റുള്ളവര് ചെയ്യാത്ത കാര്യങ്ങളോ പൊതു ജനങ്ങൾക്കു മുന്നിൽ പ്രയോഗിക്കരുത്, കാരണം അത് അവരെ തെറ്റിദ്ധരിപ്പിച്ചേക്കാം. കരശനമായി നടപ്പിലാക്കുന്ന കാര്യം നിര്ബന്ധ സ്വഭാവമുള്ളതാണെന്ന് അവര് മനസ്സിലാക്കാനും അല്ലെങ്കിൽ അനാവശ്യമായി ആ ഇളവുകളെ അനുകരിക്കാനും സാധ്യതയുണ്ട്.
തുടർന്ന് അബൂഹുറൈറ رضي الله عنه ഈ രീതിയിൽ വുദൂഅ' ചെയ്യാനുള്ള കാരണം പറയുന്നു:
"എന്റെ കൂട്ടുകാരനായ നബി صلى الله عليه وسلم പറഞ്ഞു: വിശ്വാസിയുടെ അലങ്കാരം (ആഭരണം) അവൻ വുദൂഅ' ചെയ്യുന്നതുവരെ എത്തും."
അതായത്, സ്വർഗത്തിൽ വിശ്വാസിക്ക് വുദൂഅ' കാരണം ആഭരണമണിയിക്കപ്പെടും. വുദൂഇന്റെ ഭാഗങ്ങള് നന്നായി കഴുകല് അതിന് അത്യാവശ്യമാണ്. അതിനാൽ തന്നെ അബൂഹുറൈറ رضي الله عنه കൂടുതല് ശ്രേഷ്ടത കൈവരിക്കാന് തന്റെ വുദൂഇല് കൈകളുടെ കൂടുതൽ ഭാഗങ്ങൾ ഉൾപ്പെടുത്തി.
ഹദീസിൽ നിന്നുള്ള പാഠങ്ങള്:
-
വിശ്വാസികൾക്ക് വലിയ ബഹുമാനവും സുഖലോലുപതയും സ്വർഗത്തിൽ ലഭിക്കും എന്നതിന്റെ തെളിവ്.
-
പൊതു ജനങ്ങൾക്ക് മനസ്സിലാകാത്ത പ്രത്യേക കാര്യങ്ങൾ വിവരമുള്ളവര് പൊതുവിൽ ചെയ്യരുത്, തെറ്റിദ്ധാരണ ഒഴിവാക്കാനാണിത്.
-
വുദൂഅ' ചെയ്യുമ്പോൾ "غرة" (മുഖംത്തിലെ) പ്രകാശവും "تحجيل" (കൈകാലുകളിലെ)പ്രകാശവും പരിപൂര്ണ്ണമാകാന് വുദൂഅ' ശരിക്കും ചെയ്യണം.
No comments:
Post a Comment