عمدة الأحكام من كلام خير الأنام صلى الله عليه وسلم
المؤلف: عبد الغني بن عبد الواحد بن علي بن سرور المقدسي الجماعيلي الدمشقي الحنبلي،
أبو محمد، تقي الدين (المتوفى: 600هـ)
വലതിനെ മുന്തിക്കല്
10 - عَنْ عَائِشَةَ رضي الله عنها قَالَتْ: ((كَانَ رَسُولُ اللَّهِ - صلى الله عليه وسلم - يُعْجِبُهُ التَّيَمُّنُ فِي تَنَعُّلِهِ، وَتَرَجُّلِهِ، وَطُهُورِهِ، وَفِي شَأْنِهِ كُلِّهِ)) .
ആഇശ رضي الله عنها പറഞ്ഞു: തന്റെ ചെരിപ്പ് ധാരണത്തിലും മുടി ചീകുന്നതിലും ശുദ്ധീകരണത്തിലും തുടങ്ങി അവരുടെ എല്ലാ കാര്യങ്ങളിലും വലതിനെ മുന്തിക്കല് റസൂല് صلى الله عليه وسلم ക്ക് ഇഷ്ടമായിരുന്നു.
يعجبُهُ التَّيَمُنُ: استعمالُ اليدِ اليمينِ، والبَدْءُ باليمينَ في كلِّ ماهو شريفٌ وطاهرٌ وطيبٌ.
يعجبُهُ التَّيَمُنُ എന്നാല് വലത് കൈ ഉപയോഗിക്കല് എന്നും എല്ലാ നല്ലതും ശുദ്ധമായതുമായ കാര്യം വലത് കൊണ്ട് തുടങ്ങല് എന്നുമാണ് ഉദ്ദേശം.
تنعُّله: لبْسُ النعلِ وهو الحِذاءُ.
تنعُّله എന്നാല് ചെരിപ്പ് ധരിക്കല് എന്നാണ് അര്ത്ഥം.
ترجلِهِ: تسريحُ شعرِهِ بالمِشطِ.
ترجلِهِ എന്നാല് മുടി ചീകല് എന്നാണ് അര്ത്ഥം,
طُهُورِهِ: بضم الطاء: يشملُ الوُضوءَ والغسلَ.
അംഗ ശുദ്ധി, കുളി എന്നിങ്ങനെയുള്ള ശുദ്ധീകരണങ്ങളാണ് طُهُورِهِ എന്നതില് ഉള്ക്കൊള്ളുന്നത്.
وفي شأْنِهِ كلِهِ: في الأُمورِ الشريفةِ المُسْتَطابَةِ.
നല്ലതും മാന്യവുമായ എല്ലാ കാര്യങ്ങളിലും.
വിവരണം
സ്വഹാബിമാര് നബി صلى الله عليه وسلم യുടെ ഓരോ കാര്യങ്ങളിലും കൃത്യമായ നിരീക്ഷണം നടത്തുന്നവരായിരുന്നു. റസൂല് صلى الله عليه وسلم ചെയ്യുന്ന ഓരോ കാര്യങ്ങളും അതേ പ്രകാരം അനുധാവനം ചെയ്യാന് വേണ്ടിയായിരുന്നു അവര് അങ്ങനെ ചെയ്തിരുന്നത്.
റസൂല് صلى الله عليه وسلم യുടെ ഓരോ കാര്യങ്ങളെ പറ്റിയും കൃത്യമായി അറിയുന്ന ആഇശ رضي الله عنها യുടെ വാക്കുകളാണ് ഈ ഹദീസില് ഉള്ളത്. റസൂല് صلى الله عليه وسلم യുടെ ജീവിതത്തിലെ പതിവ് കാര്യങ്ങളില് ഒന്നായ വലതിനെ മുന്തിക്കുന്ന വിഷയമാണ് ഇതില് അറിയിക്കുന്നത്.
കര്മങ്ങളില് വലത് കയ്യിനെയും വലത് ഭാഗത്തെയും മുന്തിക്കുന്നതിനെ കുറിച്ചാണ് ഈ ഹദീസ് അറിയിക്കുന്നത്. റസൂല് صلى الله عليه وسلم ക്ക് വലതിനെ മുന്തിക്കല് വളരെ ഇഷ്ടമായിരുന്നു. ഏതൊരു നല്ല കാര്യം ചെയ്യുമ്പോഴും വലതിനെ മുന്തിച്ചായിരുന്നു റസൂല് صلى الله عليه وسلم അവ ചെയ്തിരുന്നത്. ഈ കാര്യം റസൂല് صلى الله عليه وسلم യുടെ പതിവില് പെട്ടതായിരുന്നു.
എന്നാല് കക്കൂസില് പ്രവേശിക്കുമ്പോഴും, പള്ളിയില് നിന്ന് ഇറങ്ങുമ്പോഴും ഇടത് കാല് വെച്ച് കൊണ്ടായിരുന്നു റസൂല് صلى الله عليه وسلم ഇറങ്ങിയിരുന്നത്.
ഹദീസില് നിന്നുള്ള പാഠങ്ങള്
1- മുടി ചീകുമ്പോഴും മുടി വെട്ടുമ്പോഴുമെല്ലാം തലയുടെ വലത് ഭാഗം കൊണ്ട് തുടങ്ങല് സുന്നത്താണ്.
2- ചെരിപ്പ് ധരിക്കുമ്പോള് വലത് കാലില് ആദ്യം ധരിക്കലും അഴിക്കുമ്പോള് ഇടത് കാല് കൊണ്ട് തുടങ്ങലും സുന്നത്താണ്.
3- വുദൂഅ', കുളി എന്നിവയില് വലതിനെ മുന്തിച്ച് ആണ് കഴുകേണ്ടത്.
4- എല്ലാ നല്ല കാര്യങ്ങളിലും ഈ പാഠം നിറവേറ്റല് സുന്നത്താണ്.
5- കൊടുക്കല്, വാങ്ങല്, തിന്നല്, കുടിക്കല് തുടങ്ങി എല്ലാ കാര്യങ്ങളിലും ഈ ഒരു ചര്യ നാം ശീലമാക്കണം.
No comments:
Post a Comment