عمدة الأحكام من كلام خير الأنام صلى الله عليه وسلم
المؤلف: عبد الغني بن عبد الواحد بن علي بن سرور المقدسي الجماعيلي الدمشقي الحنبلي،
أبو محمد، تقي الدين (المتوفى: 600هـ)
ശുദ്ധീകരണ പാഠങ്ങള്
17 - عَنْ أَبِي قَتَادَةَ الْحَارِثِ بْنِ
رِبْعِيٍّ الأَنْصَارِيِّ - رضي الله عنه -: أَنَّ النَّبِيَّ - صلى الله عليه
وسلم - قَالَ: ((لا يُمْسِكَنَّ أَحَدُكُمْ ذَكَرَهُ بِيَمِينِهِ وَهُوَ يَبُولُ
وَلا يَتَمَسَّحْ مِنْ الْخَلاءِ بِيَمِينِهِ وَلا يَتَنَفَّسْ فِي الإِنَاءِ)) .
അബൂ ഖതാദ അല് ഹാരിസ് ബ്നു രിബ്ഈ അല് അന്സ്വാരി رضي الله عنه നിവേദനം. നബി صلى الله عليه وسلم പറഞ്ഞു: മൂത്രം ഒഴിക്കുന്ന വേളയില് നിങ്ങളില് ഒരാളും തന്നെ തന്റെ വലത് കൈകൊണ്ട് അവന്റെ ലിംഗം പിടിക്കുകയേ അരുത്, ശൌച്യാലയത്തില് നിന്ന് (കാഷ്ടമോ മൂത്രമോ) വലത് കൈകൊണ്ട് തുടക്കുകയും (ശുചീകരിക്കുകയും) അരുത്. അവന് പത്രത്തില് ഊതുകയും ചെയ്യരുത്.
لا يُمْسِكَنَّ പിടിക്കരുത്, തൊടരുത്
ذَكَرٌ ലിംഗം
يَمِينٌ വലത് കൈ
لا يَتَمَسَّحْ അവന് തുടക്കരുത്
الْخَلاءِ ശൌച്യാലയം (കാഷ്ടം, മൂത്രം)
لا يَتَنَفَّسْ ഊതരുത്
വിവരണം
മല മൂത്ര വിസര്ജ്ജനത്തില് പാലിക്കേണ്ട മര്യാദകളില് പെട്ട കാര്യമാണ് ഈ ഹദീസിലുള്ളത്.
പുരുഷന് മൂത്രമൊഴിക്കുമ്പോള് അവന്റെ വലത് കൈകൊണ്ട് അവന് തന്റെ ലിംഗം പിടിക്കാനോ തൊടാനോ പാടില്ല.
കാഷ്ടിക്കുകയൊ മൂത്രിക്കുകയൊ ചെയ്താല് വലത് കൈകൊണ്ട് ശുദ്ധീകരിക്കാനും പാടില്ല. ഇടത് കൈ കൊണ്ടായിരിക്കണം ശുദ്ധീകരിക്കേണ്ടത്. ഇടത് കൈ ഉപയോഗിക്കാന് സാധിക്കാത്ത അവസരത്തില് വലത് കൈകൊണ്ട് ശുദ്ധീകരിക്കുന്നതില് കുഴപ്പമില്ല.
വെള്ളം കുടിക്കുന്ന വേളയില് പാത്രത്തിലേക്ക് ഊതാന് പാടില്ല എന്ന വിലക്കാണ് ഈ ഹദീസിന്റെ അവസാനത്തിലുല്ലത്.
ഈ കാര്യങ്ങള് എല്ലാം മനുഷ്യന് ഗുണമുള്ളവയും അവന് ശ്രദ്ധിക്കേണ്ടതുമായ കാര്യങ്ങളാണ്. വൃത്തിയുമായി ബന്ധപ്പെട്ടവയും ആരോഗ്യപരമായ മാര്ഗ്ഗ നിര്ദേശങ്ങളുമാണ് റസൂല് صلى الله عليه وسلم നമുക്ക് നല്കിയിട്ടുള്ളത്.
ഹദീസില് നിന്നുള്ള പാഠങ്ങള്
1- മൂത്രമൊഴിക്കുന്ന വേളയില് പുരുഷന് തന്റെ ലിംഗം സ്പര്ശിക്കുകയോ പിടിക്കുകയോ ചെയ്യരുത്. ഈ ഹദീസില് لا يُمْسِكَنَّ (പിടിക്കുകയേ ചെയ്യരുത്) എന്നാണ് വന്നത്. എന്നാല് മറ്റൊരു റിപ്പോര്ട്ടില് لا يَمَسَّنَّ (സ്പര്ശിക്കുകയേ ചെയ്യരുത്) എന്ന് വന്നിട്ടുണ്ട്.
2- കാഷ്ടം, മൂത്രം എന്നിവ വലത് കൈകൊണ്ട് ശുദ്ധീകരിക്കരുത്.
3- എല്ലാ ശുദ്ധീകരണങ്ങളും ഇടത് കൈകൊണ്ടായിരിക്കണം ചെയ്യേണ്ടത്.
4- വെള്ളം കുടിക്കുമ്പോള് പാത്രത്തില് ഊതാന് പാടില്ല.
5- ഇനി ചൂട് കുറയ്ക്കാനോ മറ്റോ ഊതേണ്ടി വന്നാല് പാത്രത്തിനുള്ളിലേക്ക് ഊതാതെ പാത്രത്തിനു പുറത്തേക്ക് ഊതാവുന്നതാണ്.
6- തിന്നുമ്പോഴും കുടിക്കുമ്പോഴുമുള്ള ഇസ്ലാമിക മര്യാദകള്, വ്യക്തിഗതവും പൊതുവായതുമായ ശുചിത്വം, മനുഷ്യരുടെ സുരക്ഷ കാത്തുസൂക്ഷിക്കല് എന്നിവക്ക് ഇസ്ലാം നല്കുന്ന പ്രാധാന്യം ഈ ഹദീസ് വ്യക്തമാക്കുന്നു.
7- ഇസ്ലാമിക അധ്യാപനങ്ങളുടെ സമഗ്രതയും പരിപൂര്ണ്ണതയും ഇത് വ്യക്തമാക്കുന്നു.
No comments:
Post a Comment