തൗഹീദും ശിര്ക്കും
عن جَابِر بْن عَبْدِ اللهِ، قَالَ: سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ
يَقُولُ: «مَنْ لَقِيَ اللهَ لَا يُشْرِكُ بِهِ شَيْئًا دَخَلَ الْجَنَّةَ، وَمَنْ
لَقِيَهُ يُشْرِكُ بِهِ دَخَلَ النَّارَ»- رواه مسلم
ജാബിര് رضي اللهُ عنه പറഞ്ഞു: അല്ലാഹുവിന്റെ റസൂല് صَلَّى اللهُ عَلَيْهِ وَسَلَّمَ പറയുന്നതായി ഞാന് കേട്ടു: ആരെങ്കിലും അല്ലഹുവില് ഒന്നിലും പങ്കു ചേര്ക്കാത്തവനായി അല്ലാഹുവിനെ കണ്ടുമുട്ടിയാല് അവന് സ്വര്ഗ്ഗത്തില് പ്രവേശിക്കും, ആരെങ്കിലും അവനെ പങ്കു ചേര്ക്കുന്നവനായി കണ്ടുമുട്ടിയാല് അവന് നരകത്തില് പ്രവേശിക്കും.
വിവരണം
തൗഹീദിന്റെ മഹത്വത്തേയും ശിര്ക്കിന്റെ ഗൗരവത്തേയും അറിയിക്കുന്ന ഹദീസാണിത്.
ശിര്ക്ക് ചെയ്യാതെ അഥവാ അല്ലാഹുവില് പങ്ക് ചേര്ക്കാതെ ആരെങ്കിലും മരിച്ച് പോവുകയും നാളെ റബ്ബിന്റെ മുന്നില് വരികയും ചെയ്താല് അവന് സൗഭാഗ്യവാനാണ്. അവന് സ്വര്ഗ്ഗത്തില് പ്രവേശിക്കും.
ഇനി ആരെങ്കിലും അല്ലാഹുവില് പങ്ക് ചേര്ത്ത് കൊണ്ടാണ് അല്ലാഹുവിന്റെ മുമ്പില് വരുന്നതെങ്കില് അവന് നരകത്തിലും പ്രവേശിക്കും.
അല്ലാഹുവില് പങ്ക് ചേര്ക്കാത്തവന് വന്പാപങ്ങള് ചെയ്തവനായാലും സ്വര്ഗ്ഗത്തില് പ്രവേശിക്കും, അവന്റെ പാപങ്ങള്ക്ക് ഒന്നുകില് ശിക്ഷ ലഭിക്കുകയോ, അല്ലെങ്കില് അല്ലാഹു പൊറുത്ത് കൊടുക്കുകയോ ചെയ്തതിന് ശേഷം അവനെ സ്വര്ഗ്ഗത്തില് പ്രവേശിപ്പിക്കും.
അല്ലാഹുവില് പങ്ക് ചേര്ത്തവന് ഭൂമിയില് എന്ത് നന്മ ചെയ്താലും അതൊന്നും സ്വീകരിക്കപ്പെടുകയില്ല. അവന് സ്വര്ഗ്ഗം നിഷിദ്ധവും അവന്റെ അഭയ കേന്ദ്രം നരകവുമാണ്.
ശിര്ക്ക് ചെയ്യുന്നവന്റെ കര്മങ്ങള് എല്ലാം നിഷ്ഫലമാകും, അല്ലാഹു അവന് പൊറുത്ത് കൊടുക്കുകയില്ല, അവന് സ്വര്ഗ്ഗത്തില് പ്രവേശിക്കില്ല, നരകം അവന്റെ ഭവനമായിരിക്കും, ശിര്ക്ക് വലിയ അക്രമമാണ്, അവരുടെ മേല് അല്ലാഹുവിന്റെ കോപമുണ്ട്, അവര് നഷ്ടക്കാരാണ്, അവര്ക്ക് വേദനയേറിയ ശിക്ഷയുണ്ട് തുടങ്ങി ഒരുപാട് ഭവിഷ്യത്തുകള് അല്ലാഹുവില് പങ്ക് ചേര്ക്കുന്നതിനുണ്ട്.
അത് കൊണ്ട് തന്നെ ശിര്ക്കില് നിന്ന് രക്ഷപ്പെടാന് എപ്പോഴും ജാഗ്രത ഉണ്ടാവേണ്ടതുണ്ട്.
ഇബ്റാഹീം عَلَيْهِ السلام പോലും സ്വന്തത്തിനും മക്കളുടെ കാര്യത്തിലും ശിര്ക്കിനെ ഭയപ്പെട്ടിരുന്നു എന്ന് വിശുദ്ധ ക്വുര്ആനില് നിന്ന് നമുക്ക് മനസ്സിലാക്കാന് സാധിക്കും. അപ്പോള് നാം ഈ വിഷയത്തില് ഏറെ ശ്രദ്ധ പുലര്ത്തേണ്ടവരാണ്.
തൗഹീദ് ശരിക്ക് പഠിക്കുകയും അറിയാത്തവര്ക്ക് പഠിപ്പിച്ച് കൊടുക്കുകയും ചെയ്യേണ്ടവരാണ് നാം.
നമ്മുടെ ദഅ്വത്തിന്റെ മുഖ്യ അജണ്ട തൗഹീദിലേക്ക് ആളുകളെ ക്ഷണിക്കലും, ശിര്ക്കില് നിന്ന് ആളുകളെ രക്ഷപ്പെടുത്തലുമാവണം.
മുസ്ലിം ഉമ്മത്തിലും വിവിധ തരത്തിലുള്ള ശിര്ക്കന് വിശ്വാസങ്ങളും ആചാരങ്ങളും ഉണ്ട്. ക്വബ്റാരാധന, ക്വബ്റിലുള്ളവര്ക്ക് ബലിയര്പ്പിക്കല്, മരിച്ച് പോയവരെ വിളിച്ച് തേടല് തുടങ്ങിയവ ഇതിനുദാഹരണങ്ങളാണ്.
No comments:
Post a Comment