മനുഷ്യരില് പല നിറക്കാരുള്ളത് പോലെ അവരില് പല സ്വഭാവക്കാരുണ്ട്..
عَنْ أَبِي مُوسَى الأَشْعَرِيِّ، قَالَ: قَالَ رَسُولُ
اللَّهِ صَلَّى اللَّهُ عَلَيْهِ وَسَلَّمَ: «إِنَّ اللَّهَ تَعَالَى خَلَقَ آدَمَ
مِنْ قَبْضَةٍ قَبَضَهَا مِنْ جَمِيعِ الأَرْضِ، فَجَاءَ بَنُو آدَمَ عَلَى قَدْرِ
الأَرْضِ، فَجَاءَ مِنْهُمُ الأَحْمَرُ وَالأَبْيَضُ وَالأَسْوَدُ وَبَيْنَ ذَلِكَ،
وَالسَّهْلُ وَالحَزْنُ وَالخَبِيثُ وَالطَّيِّبُ»- رواه الترمذي- صحيح
അബൂമൂസല് അശ്അരി رضي اللَّهُ عنه വില് നിന്ന് നിവേദനം. നബി صَلَّى اللَّهُ عَلَيْهِ وَسَلَّمَ പറഞ്ഞു: തീര്ച്ചയായും അല്ലാഹു ആദമിനെ സൃഷ്ടിച്ചത് ഭൂമിയുടെ എല്ലാ ഭാഗത്ത് നിന്നുമുള്ള ഒരു പിടി മണ്ണില് നിന്നാണ്. അങ്ങനെ ആദമിന്റെ സന്തതികള് ഭൂമിക്കനുസരിച്ച് വിവിധ നിറങ്ങളിലും പ്രകൃതികളിലുമായി വന്നു. അവരില് ചുവന്നവരും, വെളുത്തവരും, കറുത്തവരും, ഇവയ്ക്കിടയിലുള്ള നിറങ്ങളുള്ളവരും ഉണ്ടായി. അവരില് സൗമ്യരും, പരുക്കന്മാരും, ചീത്ത ആളുകളും, നല്ലവരും, ഉണ്ടായി.
വിവരണം
മനുഷ്യന്റെ സൃഷ്ടിപ്പുമായി ബന്ധപ്പെട്ട വിവരങ്ങളാണ് ഈ ഹദീസില്ഉള്ളത്.
അല്ലാഹു ഒരു قَبْضَة കൊണ്ടാണ് ആദം عَلَيْهِ السلام നെ സൃഷ്ടിച്ചത്. قَبْضَة എന്നാല് ഒരു കൈപിടിയില് ഉള്കൊള്ളുന്നത് എന്നാണ്.
ഭൂമിയുടെ എല്ലാ ഭാഗങ്ങളെയും -നല്ലതും ചീത്തയും- ഉഉള്കൊള്ളുന്ന വിധമാണ് ഒരു പിടി മണ്ണ് എടുത്തിട്ടുള്ളത്.
ഭൂമിയുടെ പ്രകൃതി പോലെ തന്നെ വിവിധ അവസ്ഥകളിലുള്ള മനുഷ്യര് ഭൂമിയില് ഉണ്ട് എന്നാണ് ഹദീസ് അറിയിക്കുന്നത്. വിവിധ നിറങ്ങളിലും സ്വഭാവങ്ങളിലും ഉള്ള മനുഷ്യര്.
മനുഷ്യരെല്ലാം ആദമില് നിന്നുള്ളവരാണ്. ആദം عَلَيْهِ السلام മണ്ണില് നിന്നും ആണ് സൃഷ്ടിക്കപ്പെട്ടത്. സൂറത്തുല് മുഅമിനൂനിലെ 12 മുതല് 14 വരെയുള്ള വചനങ്ങളില് അല്ലാഹു മനുഷ്യന്റെ സൃഷ്ടിപ്പിന്റെ വിവിധ ഘട്ടങ്ങളെ അറിയിക്കുന്നുണ്ട്.
മനുഷ്യന് വിവിധ നിറങ്ങളിലും ദേശങ്ങളിലും ഉള്ളവനാണെങ്കിലും അല്ലാഹുവിന്റെ അടുക്കല് എല്ലാവരും തുല്യരാണ്.
മനുഷ്യരില് വിവിധ സ്വഭാവക്കാര് ഉണ്ട് എന്ന് ഹദീസ് അറിയിക്കുന്നു. അതില് ത്വയ്യിബ് (നല്ലത്) ആയ വിഭാഗം ആണ് സ്തുത്യര്ഹാരായിട്ടുള്ളത്. അഥവാ ഉന്നതരായിട്ടുള്ളത്. അതില് ഉള്പ്പെടാനാണ് നാം പരിശ്രമിക്കേണ്ടത്. ഭൗതികമായ കെട്ടും മട്ടുമെല്ലാം ഇവിടെ തന്നെ അവസാനിപ്പിച്ച് പോകേണ്ടവരാണ് നമ്മള്. അല്ലാഹുവിന്റെ അടുക്കല് എത്തുമ്പോള് നല്ല മനസ്സുമായി എത്താന് സാധിക്കണം. അതാവണം നമ്മുടെ ജീവിത ലക്ഷ്യം.
No comments:
Post a Comment