ആരാണ് വഹ്ഹാബി?! ശൈഖ് ഇബ്നു ബാസ് رحمه الله വിശദീകരിക്കുന്നു

[ وهابي، وهابية، وهابيون، من هؤلاء ؟! ]

 വഹാബി, വഹാബിയ്യത്ത്, 

വഹാബികൾ... ആരാണിവർ?! 

✍🏼 سئل العلامة الإمام ابن باز - رحمه الله - :

« ﻳﻘﻮﻝ اﻟﺴﺎﺋﻞ: ﻓﻀﻴﻠﺔ اﻟﺸﻴﺦ، ﻳﺴﻤﻲ ﺑﻌﺾ اﻟﻨﺎﺱ ﻋﻨﺪﻧﺎ اﻟﻌﻠﻤﺎء ﻓﻲ اﻟﻤﻤﻠﻜﺔ اﻟﻌﺮﺑﻴﺔ اﻟﺴﻌﻮﺩﻳﺔ ﺑﺎﻟﻮﻫﺎﺑﻴﺔ ﻓﻬﻞ ﺗﺮﺿﻮﻥ ﺑﻬﺬﻩ اﻟﺘﺴﻤﻴﺔ؟ ﻭﻣﺎ ﻫﻮ اﻟﺮﺩ ﻋﻠﻰ ﻣﻦ ﻳﺴﻤﻴﻜﻢ ﺑﻬﺬا اﻻﺳﻢ؟ ».

« فأجاب: ﻫﺬا ﻟﻘﺐ ﻣﺸﻬﻮﺭ ﻟﻌﻠﻤﺎء اﻟﺘﻮﺣﻴﺪ ﻋﻠﻤﺎء ﻧﺠﺪ ﻳﻨﺴﺒﻮﻧﻬﻢ ﺇﻟﻰ اﻟﺸﻴﺦ اﻹﻣﺎﻡ ﻣﺤﻤﺪ ﺑﻦ ﻋﺒﺪ اﻟﻮﻫﺎﺏ ﺭﺣﻤﺔ اﻟﻠﻪ ﻋﻠﻴﻪ، ﻷﻧﻪ ﺩﻋﺎ ﺇﻟﻰ اﻟﻠﻪ ﻋﺰ ﻭﺟﻞ ﻓﻲ اﻟﻨﺼﻒ اﻟﺜﺎﻧﻲ ﻣﻦ اﻟﻘﺮﻥ اﻟﺜﺎﻧﻲ ﻋﺸﺮ، ﻭاﺟﺘﻬﺪ ﻓﻲ ﺇﻳﻀﺎﺡ اﻟﺘﻮﺣﻴﺪ ﻭﺑﻴﺎﻥ اﻟﺸﺮﻙ ﻟﻠﻨﺎﺱ، ﺣﺘﻰ ﻫﺪﻯ ﺑﻪ اﻟﻠﻪ ﺟﻤﺎ ﻏﻔﻴﺮا، ﻭﺩﺧﻞ اﻟﻨﺎﺱ ﻓﻲ ﺗﻮﺣﻴﺪ اﻟﻠﻪ، ﻭﺗﺮﻛﻮا ﻣﺎ ﻫﻢ ﻋﻠﻴﻪ ﻣﻦ ﺃﻧﻮاﻉ اﻟﺸﺮﻙ اﻷﻛﺒﺮ، ﻣﻦ ﻋﺒﺎﺩﺓ ﺃﻫﻞ اﻟﻘﺒﻮﺭ، ﻭﻣﻦ اﻟﺒﺪﻉ اﻟﻤﺘﻌﻠﻘﺔ ﺑﺎﻟﻘﺒﻮﺭ، ﻭﻋﺒﺎﺩﺓ اﻷﺷﺠﺎﺭ ﻭاﻷﺣﺠﺎﺭ، ﻭاﻟﻐﻠﻮ ﻓﻲ اﻟﺼﺎﻟﺤﻴﻦ .

    ﻓﺼﺎﺭﺕ ﺩﻋﻮﺗﻪ ﺗﺠﺪﻳﺪﻳﺔ ﺇﺳﻼﻣﻴﺔ ﻋﻈﻴﻤﺔ، ﻧﻔﻊ اﻟﻠﻪ ﺑﻬﺎ اﻟﻤﺴﻠﻤﻴﻦ ﻓﻲ اﻟﺠﺰﻳﺮﺓ اﻟﻌﺮﺑﻴﺔ ﻭﻓﻲ ﻏﻴﺮﻫﺎ ﺭﺣﻤﻪ اﻟﻠﻪ ﺭﺣﻤﺔ ﻭاﺳﻌﺔ، ﻭﺻﺎﺭ ﺃﺗﺒﺎﻋﻪ ﻭﻣﻦ ﺩﻋﺎ ﺑﺪﻋﻮﺗﻪ ﻭﻧﺸﺄ ﻋﻠﻰ ﻫﺬﻩ اﻟﺪﻋﻮﺓ ﻓﻲ ﻧﺠﺪ ﻳﺴﻤﻰ ﺑﺎﻟﻮﻫﺎﺑﻲ ،

    ﻭﻛﺎﻥ ﻫﺬا اﻟﻠﻘﺐ ﻋﻠﻤﺎ ﻟﻜﻞ ﻣﻦ ﺩﻋﺎ ﺇﻟﻰ ﺗﻮﺣﻴﺪ اﻟﻠﻪ، ﻭﻧﻬﻰ ﻋﻦ اﻟﺸﺮﻙ ﻭﻋﻦ اﻟﺘﻌﻠﻖ ﺑﺄﻫﻞ اﻟﻘﺒﻮﺭ، ﺃﻭ اﻟﺘﻌﻠﻖ ﺑﺎﻷﺷﺠﺎﺭ ﻭاﻷﺣﺠﺎﺭ، ﻭﺃﻣﺮ ﺑﺎﻹﺧﻼﺹ ﻟﻠﻪ ﻭﺣﺪﻩ ﻭﺳﻤﻲ ﻭﻫﺎﺑﻴﺎ، ﻓﻬﻮ ﻟﻘﺐ ﺷﺮﻳﻒ ﻋﻈﻴﻢ ﻳﺪﻝ ﻋﻠﻰ ﺃﻥ ﻣﻦ ﻟﻘﺐ ﺑﻪ ﻓﻬﻮ ﻣﻦ ﺃﻫﻞ اﻟﺘﻮﺣﻴﺪ، ﻭﻣﻦ ﺃﻫﻞ اﻹﺧﻼﺹ ﻟﻠﻪ، ﻭﻣﻤﻦ ﻳﻨﻬﻰ ﻋﻦ اﻟﺸﺮﻙ ﺑﺎﻟﻠﻪ، ﻭﻋﻦ ﻋﺒﺎﺩﺓ اﻟﻘﺒﻮﺭ ﻭاﻷﺷﺠﺎﺭ ﻭاﻷﺣﺠﺎﺭ ﻭاﻷﺻﻨﺎﻡ ﻭاﻷﻭﺛﺎﻥ » .

📚 |[ نور على الدرب بعناية الطيار (١/١٩) ]|

വഹാബി, വഹാബിയ്യത്ത്, വഹാബികൾ... ആരാണിവർ?! 

✍🏼 പ്രമുഖ പണ്ഡിതനായ ഇമാം ഇബ്നു ബാസ് رحمه الله ചോദിക്കപ്പെട്ടു:

« ചോദ്യകർത്താവ് പറയുന്നു: ബഹുമാനപ്പെട്ട ശൈഖ്, ഞങ്ങളുടെ നാട്ടിലെ ചില ആളുകൾ സൗദി അറേബ്യയിലെ പണ്ഡിതന്മാരെ 'വഹാബികൾ' എന്ന് വിളിക്കുന്നു. ഈ പേര് വിളിക്കുന്നതിൽ അങ്ങ് തൃപ്തനാണോ? നിങ്ങളെ ഇപ്രകാരം വിളിക്കുന്നവരോടുള്ള മറുപടി എന്താണ്? »

    ശൈഖ് ഇബ്നു ബാസ് رحمه الله മറുപടി പറഞ്ഞു: നജ്ദിലെ തൗഹീദിന്റെ (ഏകദൈവാരാധനയുടെ) പണ്ഡിതന്മാർക്ക് നൽകപ്പെടുന്ന പ്രസിദ്ധമായ ഒരു വിശേഷണമാണിത്. ശൈഖ് ഇമാം മുഹമ്മദ് ബിൻ അബ്ദുൽ വഹാബ് رحمه الله യിലേക്കാണ് അവരെ ചേർത്ത് പറയുന്നത്.

    കാരണം, ഹിജ്റ പന്ത്രണ്ടാം നൂറ്റാണ്ടിന്റെ രണ്ടാം പകുതിയിൽ അദ്ദേഹം അല്ലാഹുവിലേക്ക് ജനങ്ങളെ ക്ഷണിക്കുകയും, ജനങ്ങൾക്ക് തൗഹീദ് വ്യക്തമാക്കി കൊടുക്കുന്നതിലും ശിർക്കിനെ (ബഹുദൈവാരാധന) കുറിച്ച് വിവരിക്കുന്നതിലും പരിശ്രമിക്കുകയും ചെയ്തു. അങ്ങനെ അദ്ദേഹം മുഖേന അല്ലാഹു വലിയൊരു വിഭാഗം ജനങ്ങൾക്ക് സന്മാർഗം നൽകി.

    ജനങ്ങൾ അല്ലാഹുവിന്‍റെ തൗഹീദിലേക്ക് പ്രവേശിക്കുകയും, ഖബ്റാളികളെ ആരാധിക്കൽ, ഖബറുകളുമായി ബന്ധപ്പെട്ട അനാചാരങ്ങൾ, മരങ്ങളെയും കല്ലുകളെയും ആരാധിക്കൽ, മഹാന്മാരെ അതിരുകവിഞ്ഞ് വാഴ്ത്തൽ തുടങ്ങി അവർ ചെയ്തിരുന്ന വലിയ ശിർക്കുകൾ ഉപേക്ഷിക്കുകയും ചെയ്തു.

  അങ്ങനെ അദ്ദേഹത്തിന്റെ പ്രബോധനം മഹത്തായ ഒരു ഇസ്ലാമിക നവോത്ഥാന സംരംഭമായി മാറി. അറേബ്യൻ ഉപദ്വീപിനുള്ളിലും പുറത്തുമുള്ള മുസ്ലീങ്ങൾക്ക് അല്ലാഹു അതുകൊണ്ട് പ്രയോജനം നൽകി. അല്ലാഹു അദ്ദേഹത്തിന് വിശാലമായ കാരുണ്യം നൽകട്ടെ. അദ്ദേഹത്തിന്‍റെ അനുയായികളും, അദ്ദേഹത്തിന്‍റെ മാർഗ്ഗത്തിൽ പ്രബോധനം നടത്തിയവരും, നജ്ദിൽ ഈ ആദർശത്തിൽ വളർന്നുവന്നവരും 'വഹാബി' എന്ന് വിളിക്കപ്പെട്ടു.

 അല്ലാഹുവിന്‍റെ ഏകത്വത്തിലേക്ക് (തൗഹീദിലേക്ക്) ക്ഷണിക്കുകയും, ശിർക്കിനെക്കുറിച്ചും ഖബ്റാളികളോടും മരങ്ങളോടും കല്ലുകളോടും ബന്ധനം സ്ഥാപിക്കുന്നതിനെക്കുറിച്ചും വിലക്കുകയും, അല്ലാഹുവിന് മാത്രമായി ആരാധനകൾ നിഷ്കളങ്കമാക്കാൻ കൽപ്പിക്കുകയും ചെയ്യുന്ന എല്ലാവർക്കും ഇതൊരു അടയാളമായി മാറി; അവരെല്ലാം 'വഹാബി' എന്ന് വിളിക്കപ്പെട്ടു.

 അതുകൊണ്ട്, ഇതൊരു മഹത്തായ, ആദരണീയമായ വിശേഷണമാണ്. ഈ പേരിൽ വിളിക്കപ്പെടുന്നവർ തൗഹീദിന്‍റെ (ഏകദൈവാരാധന) ആളുകളാണെന്നും, അല്ലാഹുവിനോട് ആത്മാർത്ഥതയുള്ളവരാണെന്നും, അല്ലാഹുവിൽ പങ്ക് ചേർക്കുന്നതിനെ (ശിർക്ക്) തൊട്ടും, ഖബറുകൾ, മരങ്ങൾ, കല്ലുകൾ, വിഗ്രഹങ്ങൾ, ബിംബങ്ങൾ എന്നിവയെ ആരാധിക്കുന്നതിൽ നിന്നും തടയുന്നവരാണെന്നും ഇത് സൂചിപ്പിക്കുന്നു. »

📚 |[ നൂറുൻ അല ദ്ദർബ് (1/19) ]|

വിവരത്തനം: നൗഫല്‍ മദീനി