الأربعون النووية-حديث: 20
നിനക്ക് ലജ്ജയില്ലെങ്കില് നീ തോന്നിയത് ചെയ്തോ...
عَنْ ابْنِ مَسْعُودٍ عُقْبَةَ بْنِ
عَمْرٍو الْأَنْصَارِيِّ الْبَدْرِيِّ رضي الله عنه قَالَ: قَالَ رَسُولُ اللَّهِ صلى الله عليه وسلم "إنَّ مِمَّا أَدْرَكَ النَّاسُ مِنْ كَلَامِ النُّبُوَّةِ الْأُولَى: إذَا
لَمْ تَسْتَحِ فَاصْنَعْ مَا شِئْت" .
رَوَاهُ
الْبُخَارِيُّ [رقم:3483].
ഇബ്നു മസ്ഊദ് ഉഖ്ബതു ബ്നി അംരില് അന്സ്വാരി رضي الله عنه നിവേദനം. റസൂല് صلى الله عليه وسلم പറഞ്ഞു: നിശ്ചയം ആദ്യകാല പ്രവാചകത്വത്തിന്റെ വചനങ്ങളില് പെട്ടതായി ജനങ്ങള്ക്ക് കിട്ടിയതില് പെട്ടതാണ്: ''നീ ലജ്ജ കാണിക്കുന്നില്ലെങ്കില് നിനക്ക് തോന്നിയത് നീ ചെയ്യുക'' എന്നത്.
വിവരണം
ലജ്ജയെ കുറിച്ചാണ് ഈ ഹദീസ് അറിയിക്കുന്നത്. ലജ്ജയില്ലാത്തവര്ക്ക് എന്ത് വേണമെങ്കിലും ചെയ്യാനാകും.
ലജ്ജ എന്ന മഹത് ഗുണത്തെ കുറിച്ച് മുന്കാല നബിമാരും അവരുടെ ജനതകളെ പഠിപ്പിച്ചിട്ടുണ്ട്. എല്ലാ നബിമാര്ക്കും ഈ സന്ദേശം ലഭിക്കുകയും അതിന്റെ അധ്യാപനം തുടര്ന്ന് കൊണ്ടേ ഇരിക്കുകയും ചെയ്യുന്നു.
ലജ്ജയും ഈമാനും പരസ്പരം ബന്ധപ്പെട്ടിരിക്കുന്നതാണ്. അതില് ഒന്ന് നഷ്ടപ്പെട്ടാല് മറ്റേതും നഷ്ടപ്പെടും.
വിശ്വാസത്തിന് എഴുപതില് ചില്ലറ ശാഖകളുണ്ട്. ലജ ഈമാനിന്റെ ശാഖയാകുന്നു എന്നും റസൂല് അറിയിച്ചിട്ടുണ്ട്.
ഒരാളില് ലജ്ജ ഉണ്ടായാല് അവനില് അത് ഒരു അലങ്കാരമായി നില്ക്കും.
ലജ്ജയുടെ ശ്രേഷ്ടതകള്
1- ഒരാള് ലജ്ജ ഉപേക്ഷിച്ചാല് അവനില് ഒരു നന്മയും ഉണ്ടാവുകയില്ല.
2- ലജ്ജ മുഴുവന് നന്മയാണ്
3- നല്ല സ്വഭാവങ്ങളുടെ അടിസ്ഥാനമാണ് ലജ്ജ
4- ഇസ്ലാമിന്റെയും ഈമാനിന്റെയും ഭാഗങ്ങളില് പെട്ടതാണ് ലജ്ജ
5- ഐഹികവും പാരത്രികവുമായ നിന്ദ്യതകളില് നിന്ന് ലജ്ജ നമ്മെ അകറ്റുന്നു.
6- ഉദാത്തമായ വ്യക്തിത്വത്തിന്റെയും മാന്യതയുടെയും അടയാളമാണ് ലജ്ജ
7- നബിമാരുടെയും സജ്ജനങ്ങളുടെയും വിശേഷണങ്ങളില് പെട്ടതാണ് ലജ്ജ
8- ലജ്ജയുള്ളവരെ ജനങ്ങള് ഇഷ്ടപ്പെടുകയും ആദരിക്കുകയും ചെയ്യുന്നു
9- ലജ്ജ അല്ലാഹുവിന് ഇഷ്ടമുള്ള ഒരു സ്വഭാവ ഗുണമാകുന്നു
10- ലജ്ജ മനുഷ്യനെ സ്വര്ഗ്ഗത്തിലേക്ക് നയിക്കും
11- എല്ലാ മതങ്ങള്ക്കും ഓരോ സ്വഭാവങ്ങളുണ്ട്, ഇസ്ലാമിന്റെ സ്വഭാവം ലജ്ജയാകുന്നു എന്ന് റസൂല് അറിയിച്ചിട്ടുണ്ട്
12- ലജ്ജയുള്ളവന് തിന്മകളില് നിന്ന് അകന്നു നില്ക്കാനാകും. അവന് തിന്മകള് ചെയ്യുന്നതിനെ ലജ്ജ തടഞ്ഞ് വെക്കും
വാക്കിലും നോക്കിലും സംസാരത്തിലും പെരുമാറ്റത്തിലും ആള്ക്കൂട്ടത്തിലും തനിച്ചും എല്ലാം ലജ്ജ മുറുകെ പിടിക്കണം. ഇന്ന് ലജ്ജയില്ലായ്മ വളരെയധികം വളര്ന്നു കൊണ്ടിരിക്കുകയാണ്. ലജയുടെ ഫലങ്ങള് മനസ്സിലാക്കി ഈ ഗുണത്തെ ജീവിതത്തില് പിടിച്ചു നിര്ത്താന് നാം നന്നായി പരിശ്രമിക്കേണ്ടിയിരിക്കുന്നു. .
ലജ്ജയില്ലായ്മയുടെ അടയാളങ്ങള്
1- വൃത്തികേടുകള് സംസാരിക്കല്.
2- ആദരവും ബഹുമാനവും വേണ്ടിടത്ത് തോന്നിയ പോലെ സംസാരിക്കല്
3- മോശം വസ്ത്രധാരണം.
4- സ്ത്രീ പുരുഷനെ പോലെയും പുരുഷന് സ്ത്രീയെ പോലെയും വസ്ത്രം ധരിക്കലും പെരുമാറലും.
5- പാപങ്ങള് ചെയ്യല്.
6- മാതാപിതാക്കളോട് കയര്ത്ത് സംസാരിക്കല്.
7- വൃത്തികേടുകള് കാണലും ആസ്വദിക്കലും.
No comments:
Post a Comment