عمدة الأحكام من كلام خير الأنام صلى الله عليه وسلم
المؤلف: عبد الغني بن عبد الواحد بن علي بن سرور المقدسي الجماعيلي الدمشقي الحنبلي،
أبو محمد، تقي الدين (المتوفى: 600هـ)
കുഞ്ഞിന്റെ മൂത്രം വസ്ത്രത്തിലായാല്
27 - عَنْ أُمِّ قَيْسِ بِنْتِ مِحْصَنٍ
الأَسَدِيَّةِ ((أَنَّهَا أَتَتْ بِابْنٍ لَهَا صَغِيرٍ ، لَمْ يَأْكُلِ
الطَّعَامَ إلَى رَسُولِ اللَّهِ - صلى الله عليه وسلم - فَأَجْلَسَهُ فِي
حِجْرِهِ ، فَبَالَ عَلَى ثَوْبِهِ ، فَدَعَا بِمَاءٍ فَنَضَحَهُ عَلَى ثَوْبِهِ ،
وَلَمْ يَغْسِلْهُ)) .
ഉമ്മു ഖൈസ് ബിന്ത് മിഹസ്വനില് അസദിയ്യ رضي الله عنها നിവേദനം. അവര് ഭക്ഷണം കഴിച്ച് തുടങ്ങാത്ത അവരുടെ ചെറിയ മകനെയുമായി റസൂല് صلى الله عليه وسلم യുടെ അടുക്കലേക്ക് വന്നു, എന്നിട്ട് കുഞ്ഞിനെ റസൂല് صلى الله عليه وسلم യുടെ മടിയില് ഇരുത്തി, അപ്പോള് റസൂല് صلى الله عليه وسلم യുടെ വസ്ത്രത്തില് കുഞ്ഞ് മൂത്രമൊഴിച്ചു. ആ സന്ദര്ഭത്തില് റസൂല് صلى الله عليه وسلم കുറച്ച് വെള്ളം കൊണ്ട് വരാന് ആവശ്യപ്പെടുകയും വസ്തത്തില് വെള്ളം തളിക്കുകയും ചെയ്തു. വസ്ത്രം കഴുകിയിരുന്നില്ല.
نَضَحَهُ: എന്നാല് വെള്ളം കുടഞ്ഞു എന്നാണ് അര്ത്ഥം
വിവരണം
റസൂല് صلى الله عليه وسلم യുടെ പ്രാര്ഥനയും ബറകത്തും ആഗ്രഹിച്ച് സ്വഹാബിമാര് അവരുടെ മക്കലെയുമായി നബി صلى الله عليه وسلم യുടെ അടുക്കല് വരാറുണ്ടായിരുന്നു. നബി صلى الله عليه وسلم അവരെ വളരെ വാത്സല്യപൂര്വ്വം സ്വീകരിക്കുകയും ചെയ്തിരുന്നു. ഒരിക്കല് ഉമ്മു ക്വൈസ് رضي الله عنها എന്ന സ്വഹാബി വനിത ഭക്ഷണം കഴിച്ചു തുടങ്ങാത്ത തന്റെ കുഞ്ഞുമായി റസൂല് صلى الله عليه وسلم യുടെ അടുക്കല് എത്തി. കുഞ്ഞിനെ നബി صلى الله عليه وسلم യുടെ മടിയില് ഇരുത്തുകയും അപ്പോള് കുഞ്ഞ് റസൂല് صلى الله عليه وسلم യുടെ വസ്ത്രത്തില് മൂത്രമൊഴിക്കുകയും ചെയ്തു. ഭക്ഷണം കഴിച്ച് തുടങ്ങാത്ത കുഞ്ഞായതിനാല് നബി صلى الله عليه وسلم തന്റെ വസ്ത്രം കഴുകുന്നതിന് പകരം മൂത്രമായ ഭാഗത്ത് വെള്ളം കുടയുകയാണ് ചെയ്തത്.
ഹദീസില് നിന്നുള്ള പാഠങ്ങള്
1- ചെറിയ മക്കളോട് വാത്സല്യവും കാരുണ്യവും കാണിക്കണം
2- മൂത്രം നജസ് ആണ്. അത് ഭക്ഷണം കഴിച്ചു തുടങ്ങാത്ത കുഞ്ഞിന്റെതാണെങ്കിലും ശരി.
3- ഭക്ഷണം കഴിച്ചു തുടങ്ങാത്ത കുഞ്ഞിന്റെ മൂത്രം വസ്ത്രത്തിലായാല് വെള്ളം കുടഞ്ഞാല് മതി. കഴുകേണ്ടതില്ല.
4- ഭക്ഷണം കഴിച്ചു തുടങ്ങുന്ന കുഞ്ഞിന്റെ മൂത്രം വസ്ത്രത്തിലായാല് അത് കഴുകിക്കളയല് നിര്ബന്ധമാണ്.
5- നജസുകള് (മാലിന്യങ്ങള്) വസ്ത്രത്തിലോ ശരീരത്തിലോ ആയാല് വേഗത്തില് കഴുകിക്കളയണം. മറന്ന് പോകാതിരിക്കാന് അതാണ് നല്ലത്.
6- നബി صلى الله عليه وسلم യുടെ ഉത്തമ സ്വഭാവ മാതൃകകള് ഈ ഹദീസിലൂടെ മനസ്സിലാക്കാം
No comments:
Post a Comment