عمدة الأحكام من كلام خير الأنام صلى الله عليه وسلم
المؤلف: عبد الغني بن عبد الواحد بن علي بن سرور المقدسي الجماعيلي الدمشقي الحنبلي،
أبو محمد، تقي الدين (المتوفى: 600هـ)
ആര്ത്തവകാരി
നമസ്കാരം ഖദാഅ് വീട്ടേണ്ടതില്ല. നോമ്പ് നോറ്റ് വീട്ടണം.
49 - عَنْ مُعَاذَةَ قَالَتْ: ((سَأَلْتُ عَائِشَةَ رضي الله عنها فَقُلتُ: مَا بَالُ الْحَائِضِ تَقْضِي الصَّوْمَ ، وَلا تَقْضِي الصَّلاةَ؟ فَقَالَتْ: أَحَرُورِيَّةٌ أَنْتِ؟ فَقُلْتُ: لَسْتُ بِحَرُورِيَّةٍ ، وَلَكِنِّي أَسْأَلُ. فَقَالَتْ: كَانَ يُصِيبُنَا ذَلِكَ ، فَنُؤَمَّرُ بِقَضَاءِ الصَّوْمِ ، وَلا نُؤَمَّرُ بِقَضَاءِ الصَّلاةِ)) .
മുആദ رحمها الله പറഞ്ഞു: ഞാന് ആഇശ رضي الله عنها യോട് ചോദിച്ചു: എന്താണ് ആര്ത്തവകാരിയുടെ അവസ്ഥ? അവള് നോമ്പ് ഖദാഅ് വീട്ടുന്നു, എന്നാല് നമസ്കാരം ഖദാഅ് വീട്ടുന്നില്ല. അപ്പോള് ആഇശ പറഞ്ഞു: നീ ഹറൂരിയ്യക്കാരി ആണോ? അപ്പോള് ഞാന് പറഞ്ഞു: ഞാന് ഹറൂറിയ്യക്കാരി അല്ല, എന്നാല് ഞാന് ചോദിച്ചതാണ്. അപ്പോള് ആഇശ رضي الله عنها പറഞ്ഞു: ഞങ്ങള്ക്ക് അത് (ആര്ത്തവം) ബാധിക്കുമായിരുന്നു, അപ്പോള് നോമ്പ് നോറ്റ് വീട്ടാന് ഞങ്ങള് കല്പിക്കപ്പെടുകയും നമസ്കാരം ഖദാഅ് വീട്ടാന് ഞങ്ങള് കല്പിക്കപ്പെടാതിരിക്കുകയും ചെയ്യുമായിരുന്നു.
വിവരണം
ഇതില് മുആദ അല് അദവിയ്യ رحمها الله യുടെ ഒരു സംശയമാണ് വന്നിട്ടുള്ളത്. ആഇശ رضي الله عنها യോട് ആണ് അവര് സംശയം ചോദിച്ചത്. ആര്ത്തവകാരി നോമ്പ് നോട്ട് വീട്ടുകയും നമസ്കാരം ഖദാഅ് വീട്ടാതിരിക്കുകയും ചെയ്യുന്നല്ലോ? എന്താണ് ഇതിന്റെ യുക്തി എന്നാണ് അവരുടെ ചോദ്യം. ഈ ചോദ്യം കേട്ടപ്പോള് ആഇശ رضي الله عنها അവരോട് ചോദിച്ചത്: നീ 'ഹറൂരിയ്യ' ആണോ എന്നാണ്. അഥവാ ഖവാരിജുകളില് പെട്ട പെണ്ണാണോ എന്നാണ് ഇതിനര്ത്ഥം. അവര് അതിര് കവിഞ്ഞ് ഇത് പോലത്തെ ചോദ്യങ്ങള് അധികരിപ്പിക്കാറുണ്ട് എന്നതിനാലാണ് ആഇശ رضي الله عنها അവരോട് അങ്ങനെ ചോദിച്ചത്. കൂഫക്ക് അടുത്തുള്ള ഹറൂറാഅ' എന്ന നാട്ടിലേക്ക് ചേര്ത്തിപ്പറയുന്ന പേരാണ് ഹറൂരി. അവിടെ നിന്നാണ് ഖവാരിജുകളുടെ സംഘം ഉടലെടുത്തത്. മതത്തില് അതിര് വിടലും സുന്നത്തിന് എതിരാകലും മുസ്ലീംകള്ക്ക് എതിരെ പോരാടുന്നത്തിലും അവര് മുന്പന്തിയില് ആയിരുന്നു. ആയതിനാലാണ് ഹറൂരി എന്ന് അവരെ പ്രത്യേകം വിളിക്കപ്പെടാനുണ്ടായ കാരണം.
മുആദ رحمها الله പറഞ്ഞത് ഞാന് ഹറൂരിയല്ല, സംശയം ചോദിച്ചതാണ് എന്നാണ്. അപ്പോള് ആഇശ رضي الله عنها പറഞ്ഞു: ഞങ്ങള് കല്പിക്കപ്പെട്ടതാണ് ഞങ്ങള് ചെയ്തത്. അഥവാ നോമ്പ് നോറ്റ് വീട്ടാന് ഞങ്ങള് കല്പിക്കപ്പെട്ടിരുന്നു, എന്നാല് നമസ്കാരം ഖദാഅ് വീട്ടാന് ഞങ്ങള് കല്പ്പിക്കപ്പെട്ടിരുന്നില്ല എന്ന്. ഇസ്ലാം കല്പിച്ചതും പഠിപ്പിച്ചതും അതെ പോലെ ചെയ്യുക എന്നതാണ് വിശ്വാസികള് ചെയ്യേണ്ടത് എന്നാണ് ആഇശ رضي الله عنها പറഞ്ഞതിന്റെ രത്നച്ചുരുക്കം.
ഹദീസില് നിന്നുള്ള പാഠങ്ങള്
1- മതത്തില് അതിരു വിടാനും തര്ക്കിക്കാനും വേണ്ടിയുള്ള ചോദ്യങ്ങള് എതിര്ക്കപ്പെടേണ്ടതാണ്.
2- ഹറൂരി എന്നാല് കൂഫക്കടുത്തുള്ള ഹാറൂറാഅ' എന്ന ദേശത്തിലേക്കുള്ള ചേര്ത്തിപ്പറയല് ആണ്. അവിടെ നിന്നാണ് ഖവാരിജുകള് ഉടലെടുത്തത്.
3- ചോദ്യം ചോദിച്ച ആള്ക്ക് അറിവുള്ളവര് കാര്യം വ്യക്തമാക്കി കൊടുക്കല്
4- അല്ലാഹുവിന്റെയും റസൂല് صلى الله عليه وسلم യുടേയും വിധികളെ മാനിക്കലും അവ കൃത്യമായി നടപ്പിലാക്കലും നമുക്ക് ബാധ്യതയാണ്.
5- കല്പിക്കപ്പെട്ടവ കൃത്യമായി ചെയ്യണം. അതിന്റെ യുക്തി മനസ്സിലായാലും ഇല്ലെങ്കിലും. അനാവശ്യവും അമിതവുമായ ചോദ്യങ്ങള് വെറുക്കപ്പെട്ടതാണ്.
6- ഹറൂരികള് അവരുടെ സ്ത്രീകള്ക്ക് ആര്ത്തവമുണ്ടായാല് അവര്ക്ക് നമസ്കാരം ഖദാഅ് വീട്ടല് അവര് നിര്ബന്ധമാക്കിയിരുന്നു. ഇത് മുസ്ലിംകളുടെ ഇജ്മാഇന് വിരുദ്ധമാണ്. ഇത് മനസ്സിലായിട്ടാണ് മുആദ ചോദ്യം ചോദിച്ചപ്പോള് നീ ഹറൂരി ആണോ എന്ന് ആഇശ رضي الله عنها ചോദിച്ചത്.
7- ആര്ത്തവകാരികള് നോമ്പ് നോറ്റ് വീട്ടണം. എന്നാല് ഈ സമയത്ത് നഷ്ടപ്പെട്ട നമസ്കാരം പിന്നീട് നിര്വ്വഹിക്കേണ്ടതില്ല. കാരണം നമസ്കാരം ദിനേന ആവര്ത്തിച്ച് വരുന്ന ആരാധനയാണ്. എന്നാല് നോമ്പ് അങ്ങനെയല്ല.
8- ഈ ഹദീസിലെ വിധി സ്ത്രീകള്ക്ക് മതം എളുപ്പമാക്കിയതാണ്. അതിരുവിടലും തീവ്രചിന്തകളും ഇസ്ലാം വിമര്ശിക്കുന്നകാര്യങ്ങളാണ്.
No comments:
Post a Comment