عمدة الأحكام من كلام خير الأنام صلى الله عليه وسلم
المؤلف: عبد الغني بن عبد الواحد بن علي بن سرور المقدسي الجماعيلي الدمشقي الحنبلي،
أبو محمد، تقي الدين (المتوفى: 600هـ)
ദമ്പതികള് ഒന്നിച്ചുള്ള
ജനാബത്ത് കുളി
عَنْ عَائِشَةَ رضي الله عنها
33 - وَكَانَتْ تَقُولُ: كُنْتُ أَغْتَسِلُ أَنَا وَرَسُولُ اللَّهِ - صلى الله عليه وسلم - مِنْ إنَاءٍ وَاحِدٍ، نَغْتَرِفُ مِنْهُ جَمِيعاً)) .
ആഇശ رضي الله عنها പറയാറുണ്ടായിരുന്നു. ഞാനും റസൂല് صلى الله عليه وسلم യും ഒരേ പാത്രത്തില് നിന്ന് കുളിക്കാറുണ്ടായിരുന്നു. അതില് നിന്ന് ഞങ്ങള് ഒന്നിച്ച് വെള്ളം ഒഴിക്കുമായിരുന്നു.
വിവരണം
ആഇശ رضي الله عنها നബി صلى الله عليه وسلم യോടൊപ്പം ഒരേ പാത്രത്തില് നിന്ന് വെള്ളം എടുത്ത് വലിയ അശുദ്ധിയില് നിന്ന് കുളിച്ചിരുന്നു എന്നാണ് ഈ ഹദീസില് പറയുന്നത്. ദമ്പതികള്ക്ക് ഈ രൂപത്തില് കുളിക്കാവുന്നതാണ് എന്ന് ഈ ഹദീസില് നിന്ന് മനസ്സിലാക്കാം. റസൂല് صلى الله عليه وسلم യുടെ നല്ല സ്വഭാവവും കുടുംബത്തോടുള്ള അവരുടെ സ്നേഹവും ഈ ഹദീസില് നിന്ന് വ്യക്തമാണ്. .
ഹദീസില് നിന്നുള്ള പാഠങ്ങള്
1- മത നിയമങ്ങള് വിശദീകരിക്കപ്പെടണം, പറയാന് മടിയുള്ളതാണെങ്കിലും മത നിയമങ്ങള് ചോദിക്കുകയും പറയുകയും വേണം എന്ന പാഠം ഈ ഹദീസ് നല്കുന്നു. അറിയേണ്ട മത വിഷയങ്ങള് ലജ്ജ കാണിച്ച് അറിയാതിരിക്കുന്ന അവസ്ഥ ഉണ്ടാകരുത്.
2- ഭര്ത്താവിന് ഭാര്യയോടൊപ്പം ഒന്നിച്ച് കുളിക്കാവുന്നതാണ്. അവരുടെ ഔറത്തുകള് അവര് പരസ്പരം കാണുന്നത് കൊണ്ട് കുഴപ്പമില്ല.
3- സ്ത്രീയും പുരുഷനും ഒരേ പാത്രത്തില് നിന്ന് കുളിക്കുന്നത് കൊണ്ട് ആ വെള്ളം അഴുക്കാവുകയോ അതിന്റെ ശുദ്ധിക്ക് ഭംഗം വരികയോ ചെയ്യുന്നില്ല.
4- ജനാബത്ത് (വലിയ അശുദ്ധി) ഉള്ളവര് കുളിക്കാനുള്ള വെള്ളത്തില് കയ്യിട്ടാല് ആ വെള്ളം അഴുക്കുള്ളതാവില്ല.
5- കുളിക്കും, വുദൂഇനും കുറച്ച് മാത്രം വെള്ളം ഉപയോഗിക്കല് പ്രാധാന്യമുള്ള കാര്യമാണ്.
6- ഭാര്യാ-ഭര്ത്താക്കന്മാരുടെ കൈകള് പരസ്പരം സ്പര്ശിക്കുന്നത് കൊണ്ട് ശുദ്ധിക്ക് കോട്ടം തട്ടില്ല.
7- കുടുംബത്തോട് നല്ല നിലയില് വര്ത്തിക്കുന്നതിന്റെ ഉത്തമോദാഹരണമാണ് ഈ ഹദീസില് പറയപ്പെട്ടിട്ടുള്ളത്.
8- നബി صلى الله عليه وسلم യുടെ ഭാര്യ ആഇശ رضي الله عنها യുടെ ശ്രേഷ്ടത ഈ ഹദീസ് അറിയിക്കുന്നു.
No comments:
Post a Comment