عمدة الأحكام من كلام خير الأنام صلى الله عليه وسلم
المؤلف: عبد الغني بن عبد الواحد بن علي بن سرور المقدسي الجماعيلي الدمشقي الحنبلي،
أبو محمد، تقي الدين (المتوفى: 600هـ)
ഖന്ദക്വ് യുദ്ധവേളയിലെ
അസ്വര് നമസ്കാരം
54 - عَنْ عَلِيٍّ رضي الله عنه: أَنَّ النَّبِيَّ صلى الله عليه وسلم قَالَ يَوْمَ الْخَنْدَقِ: ((مَلأَ اللَّهُ قُبُورَهُمْ وَبُيُوتَهُمْ نَارًا ، كَمَا شَغَلُونَا عَنْ الصَّلاةِ الْوُسْطَى حَتَّى غَابَتْ الشَّمْسُ)). وَفِي لَفْظٍ لِمُسْلِمٍ ((شَغَلُونَا عَنْ الصَّلاةِ الْوُسْطَى - صَلاةِ الْعَصْرِ - ثُمَّ صَلاهَا بَيْنَ الْمَغْرِبِ وَالْعِشَاءِ)) .
അലി رضي الله عنه നിവേദനം. ഖന്ദക്വ് ദിവസത്തില് നബി صلى الله عليه وسلم പറഞ്ഞു: അസ്വര് നമ്സകാരത്തില് നിന്ന് സൂര്യന് അസ്തമിക്കുന്നത് വരെ അവര് ഞങ്ങളെ വ്യാപൃതരാക്കിയിരിക്കുന്നതിനാല് അല്ലാഹു അവരുടെ ക്വബ്റുകളിലും വീടുകളിലും തീ നിറക്കട്ടെ.
ഇമാം മുസ്ലിമിന്റെ റിപ്പോര്ട്ടില് ഇങ്ങനെ കാണാം: 'വുസ്ത്വാ' നമസ്കാരത്തില് നിന്ന് - അസ്വര് നമസ്കാരത്തില് നിന്ന് - അവര് ഞങ്ങളെ വ്യാപൃതരാക്കിയിരിക്കുന്നു. പിന്നെ അത് മഗ്'രിബിനും ഇശാഇനും ഇടയില് നമസ്കരിച്ചു.
വിവരണം
ഖന്ദക്വ് യുദ്ധവേളയില് മദീനയെ സംരക്ഷിക്കുന്നത്തിലും ശത്രുക്കളെ നിരീക്ഷിക്കുന്നത്തിലും വ്യാപൃതമായതിനാല് നബി صلى الله عليه وسلم ക്കും സ്വഹാബികള്ക്കും അസ്വര് നമസ്കാരം സമയം തെറ്റി. ശത്രുക്കളുടെ കാരണത്താലാണ് അത് സംഭവിച്ചത്. ആയതിനാല് തന്നെ അല്ലാഹു അവരുടെ ക്വബ്റുകളിലും വീടുകളിലും തീ നിറക്കട്ടെ എന്ന് നബി صلى الله عليه وسلم പ്രാര്ഥിക്കുകയും ചെയ്തു. അവര്ക്ക് സൂര്യന് അസ്തമിച്ചതിന് ശേഷം മാത്രമേ അന്ന് അസ്വര് നമസ്കാരം നിര്വ്വഹിക്കാന് സാധിച്ചുള്ളൂ. അസ്വര് നമസ്കാരം ശ്രേഷ്ടമായ നമസ്കാരമാണ്. അതില് നിന്നാണ് ശത്രുക്കള് മുസ്ലീംകളുടെ ശ്രദ്ധ തിരിച്ചത്.
ഹദീസില് നിന്നുള്ള പാഠങ്ങള്
1- അസ്വര് നമസ്കാരത്തിന്റെ യഥാര്ത്ഥ സമയം സൂര്യന് മഞ്ഞ നിറം ബാധിക്കുന്നതിന് മുന്നോടിയായി ആണ്. അതിന് മുമ്പ് അത് നിര്വ്വഹിക്കപ്പെടണം.
2- വുസ്ത്വാ നമസ്കാരം എന്നാല് അസ്വര് നമസ്കാരമാണ്.
3- അക്രമിക്കെതിരെ അവന്റെ അക്രമത്തിന്റെ തോതനുസരിച്ച് പ്രാര്ഥിക്കാവുന്നതാണ്.
4- അക്രമിക്കെതിരെ പ്രാര്ഥിക്കുന്നവന് അതിന്റെ കാരണം വ്യക്തമാക്കല് നല്ലതാണ്.
5- നമസ്കാരത്തിന്റെ കാര്യത്തില് നബി صلى الله عليه وسلم യുടെ ശ്രദ്ധയും സൂക്ഷ്മതയും ഈ ഹദീസ് അറിയിക്കുന്നു.
6- ഒരാള് നമസ്കാരം നിര്വ്വഹിക്കുന്നതില് നിന്ന് അശ്രദ്ധനായാല് അവനു ഓര്മ വരുന്ന സന്ദര്ഭത്തില് അത് നിര്വ്വഹിക്കണം.
7- നഷ്ടപ്പെട്ട നമസ്കാരം ജമാഅത്തായി ക്വദാഅ' ചെയ്യാവുന്നതാണ്.
No comments:
Post a Comment