عمدة الأحكام من كلام خير الأنام صلى الله عليه وسلم
المؤلف: عبد الغني بن عبد الواحد بن علي بن سرور المقدسي الجماعيلي الدمشقي الحنبلي،
أبو محمد، تقي الدين (المتوفى: 600هـ)
ജനാബത്ത് കുളിയുടെ രൂപം
32 - عَنْ
عَائِشَةَ رضي الله عنها قَالَتْ: ((كَانَ النَّبِيُّ - صلى الله عليه وسلم - إذَا
اغْتَسَلَ مِنَ الْجَنَابَةِ غَسَلَ يَدَيْهِ، ثُمَّ تَوَضَّأَ وُضُوءَهُ
لِلصَّلاةِ، ثُمَّ اغْتَسَلَ، ثُمَّ يُخَلِّلُ بِيَدَيْهِ شَعْرَهُ، حَتَّى
إذَا ظَنَّ أَنَّهُ قَدْ أَرْوَى بَشَرَتَهُ، أَفَاضَ عَلَيْهِ الْمَاءَ ثَلاثَ
مَرَّاتٍ، ثُمَّ غَسَلَ سَائِرَ جَسَدِهِ.
അഇശ رضي الله عنها പറഞ്ഞു: നബി صلى الله عليه وسلم ജനാബത്ത് കുളിക്കുമ്പോള് തന്റെ ഇരു കൈകളും കഴുകുകയും നമസ്കാരത്തിന് വുദൂഅ' ചെയ്യുന്നത് പോലെ വുദൂഅ' ചെയ്യുകയും പിന്നെ കുളിക്കുകയും ചെയ്യുമായിരുന്നു. തന്റെ ഇരു കൈകള് കൊണ്ടും തലമുടികള്ക്കിടയിലൂടെ തടവുകയും (ചീകുകയും) ചെയ്യുമായിരുന്നു. നബി صلى الله عليه وسلم തന്റെ തൊലിയില് വെള്ളം നനച്ചു എന്ന് തോന്നുന്നത് വരെ അങ്ങനെ ചെയ്യും. ശേഷം മൂന്ന് തവണ ശരീരത്തില് വെള്ളം ഒഴിക്കുകയും പിന്നെ ശരീരത്തിന്റെ എല്ലാ ഭാഗങ്ങളും കഴുകുകയും ചെയ്യുമായിരുന്നു.
വിവരണം
ജനാബത്ത് ഉണ്ടായവന് നമസ്കാരം പോലെയുള്ള ആരാധനാ കാര്യങ്ങള് ചെയ്യാന് പാടുള്ളതള്ള. അവന് വേഗം ശുദ്ധിയുള്ളവനാകല് അതിന് അത്യാവശ്യമാണ്. ഇന്ദ്രിയ സ്ഖലനം സംഭവിച്ചവനും ലൈംഗിക ബന്ധത്തില് ഏര്പ്പെട്ടവനും ജനാബത്ത് സംഭവിച്ചവനാണ്. വലിയ അശുദ്ധിയില് നിന്ന് വേഗത്തില് ശുദ്ധിയാകുന്നതാണ് പ്രവാചക മാതൃക.
നബി صلى الله عليه وسلم ജനാബത്തിൽ നിന്ന് കുളിക്കാൻ ഉദ്ദേശിച്ചാൽ ആദ്യം തൻ്റെ രണ്ട് കൈപ്പത്തികളും കഴുകുമായിരുന്നു. ശേഷം നിസ്കാരത്തിന് വേണ്ടി വുദൂഅ് ചെയ്യുന്നത് പോലെ വുദൂഅ് എടുക്കും. അതിന് ശേഷം ശരീരത്തിൽ വെള്ളം ഒഴിക്കുകയും, പിന്നീട് തൻ്റെ കൈകൾ കൊണ്ട് തലമുടിയിലൂടെ വിരലുകൾ ഓടിക്കുകയും ചെയ്യുമായിരുന്നു. മുടിയുടെ ഉള്ളിലേക്ക് വെള്ളം എത്തുകയും, തൊലി മുഴുവനായി നനവെത്തുകയും ചെയ്തു എന്ന് ബോധ്യമായാൽ നബി صلى الله عليه وسلم തൻ്റെ തലയുടെ മുകളിലൂടെ മൂന്ന് തവണ വെള്ളമൊഴിക്കുകയും, ശേഷം ശരീരത്തിലെ ബാക്കിയുള്ള ഭാഗങ്ങളെല്ലാം കഴുകുകയും ചെയ്യുമായിരുന്നു.
ഹദീസില് നിന്നുള്ള പാഠങ്ങള്
1- ജനാബത്തില് നിന്ന് കുളിക്കല് നിര്ബന്ധമായ കാര്യമാണ്.
2- ജനാബത്തിൽ നിന്നുള്ള കുളി രണ്ട് രൂപത്തിലുണ്ട്. ഒന്ന് കേവല നിർബന്ധ കർമ്മങ്ങൾ മാത്രം അടങ്ങുന്നതാണെങ്കിൽ രണ്ടാമത്തേത് പൂർണ്ണമായ രൂപത്തിലുള്ളതാണ്.
കേവലമായ കുളി (المجزئ) എന്നാൽ: അശുദ്ധിയിൽ നിന്ന് ശുദ്ധി വരുത്തുക എന്ന ഉദ്ദേശ്യത്തോടെ ശരീരം മുഴുവൻ വെള്ളമൊഴിക്കുകയും, വായിൽ വെള്ളം കൊപ്ലിക്കുകയും മൂക്കിൽ വെള്ളം കയറ്റുകയും ചെയ്യലാണ്.
പൂർണ്ണമായ കുളി (الكامل) എന്നാൽ: നബി صلى الله عليه وسلم കുളിച്ചതായി ഈ ഹദീഥിൽ വിവരിക്കപ്പെട്ടത് പോലെ കുളിക്കലാണ്.
3- ഇന്ദ്രിയസ്ഖലനമുണ്ടായവരും, ലൈംഗിക ബന്ധത്തിൽ ഏർപ്പെട്ടവരും -സ്ഖലനം സംഭവിച്ചിട്ടില്ലെങ്കിലും ശരി- ജനാബത്ത് (വലിയ അശുദ്ധി) ഉള്ളവരാണ്.
4- ഈ ഹദീസിന്റെ അടിസ്ഥാനത്തില് റസൂല് صلى الله عليه وسلم ജനാബത്തില് നിന്ന് പരിപൂര്ണ്ണമായി കുളിക്കുന്നത് പതിവാക്കിയിരുന്നു എന്ന് മനസ്സിലാക്കാം.
5- ജനാബത്ത് കുളിയില് തലമുടികള്ക്കിടയിലൂടെ വിരല് കൊണ്ട് തടവി എല്ലായിടത്തും വെള്ളം നനഞ്ഞു എന്ന് ഉറപ്പു വരുത്തുന്നത് അതില് പ്രത്യേകം പഠിപ്പിക്കപ്പെട്ട കാര്യമാണ്.
No comments:
Post a Comment