عمدة الأحكام من كلام خير الأنام صلى الله عليه وسلم
المؤلف: عبد الغني بن عبد الواحد بن علي بن سرور المقدسي الجماعيلي الدمشقي الحنبلي،
أبو محمد، تقي الدين (المتوفى: 600هـ)
ചെറിയ കുട്ടികളുടെ മൂത്രത്തില് നിന്നുള്ള ശുദ്ധീകരണം
28 - وَعَنْ عَائِشَةَ أُمِّ الْمُؤْمِنِينَ رضي الله عنها ((أَنَّ النَّبِيَّ - صلى الله عليه وسلم - أُتِيَ بِصَبِيٍّ ، فَبَالَ عَلَى ثَوْبِهِ ، فَدَعَا بِمَاءٍ ، فَأَتْبَعَهُ إيَّاهُ)) وَلِمُسْلِمٍ: ((فَأَتْبَعَهُ بَوْلَهُ ، وَلَمْ يَغْسِلْهُ)) .
ഉമ്മുല് മുഅ'മിനീന് ആഇശ رضي الله عنها നിവേദനം. ഒരിക്കല് നബി صلى الله عليه وسلم യുടെ അടുക്കല് ഒരു കുഞ്ഞ് കൊണ്ട് വരപ്പെടുകയും ആ കുഞ്ഞ് നബി صلى الله عليه وسلم യുടെ വസ്ത്രത്തില് മൂത്രമൊഴിക്കുകയും ചെയ്തു. അപ്പോള് നബി صلى الله عليه وسلم വെള്ളം കൊണ്ട് വരാന് പറയുകയും അത് ആ മൂത്രത്തിലേക്ക് കുടയുകയും ചെയ്തു. ഇമാം മുസ്ലിമിന്റെ റിപ്പോര്ട്ടില് (ആ മൂത്രത്തില് വെള്ളം കുടഞ്ഞു, അത് നബി صلى الله عليه وسلم കഴുകിയിരുന്നില്ല) എന്നുണ്ട്.
വിവരണം
ഭക്ഷണം കഴിച്ച് തുടങ്ങാത്ത മുലകുടി പ്രായത്തിലുള്ള ആണ് കുഞ്ഞുങ്ങള് വസ്ത്രത്തില് മൂത്രമോഴിച്ചാലുള്ള വിധിയാണ് ഈ ഹദീസില് ഉള്ളത്. ഈ അവസരത്തില് മൂത്രമൊഴിച്ച ഭാഗത്ത് വെള്ളം ഒഴിക്കുകയോ കുടയുകയോ ചെയ്താല് മതി. ഭക്ഷണം കഴിച്ച് തുടങ്ങാത്ത ആണ് കുഞ്ഞിന്റെ മൂത്രം ശുദ്ധിയാക്കാന് ആണ് ഇങ്ങനെ ചെയ്യേണ്ടത്. പെണ് കുഞ്ഞിന്റെ മൂത്രമാണെങ്കില് അത് കഴുകി തന്നെ വൃത്തിയാക്കണം.
ഹദീസില് നിന്നുള്ള പാഠങ്ങള്
1- ഭക്ഷണം കഴിച്ച് തുടങ്ങിയിട്ടില്ലാത്ത മുലകുടി പ്രായത്തിലുള്ള ആണ് കുഞ്ഞുങ്ങള് വസ്ത്രത്തില് മൂത്രമൊഴിച്ചാല് അതിലേക്ക് വെള്ളം കുടയുകയോ ഒഴിക്കുകയൊ ചെയ്താല് മതി. കഴുകേണ്ടതില്ല.
2- ഇത് ഈ പ്രായത്തിലുള്ള ആണ്കുട്ടികള് ആയാലാണ് ഇങ്ങനെ ചെയ്യേണ്ടത്. പെണ്കുട്ടികളുടെ മൂത്രമായാല് കഴുകി വൃത്തിയാക്കണം.
3- കുട്ടികളോട് കരുണയും സ്നേഹവും കാണിക്കല് നബി صلى الله عليه وسلم യുടെ മാതൃകയില് പെട്ടതാണ്.
4- ഈ ഹദീസില് പറയപ്പെട്ട കുഞ്ഞ് ഉമ്മു ക്വൈസ് رضي الله عنها യുടെ കുഞ്ഞാണെന്ന് മറ്റു ഹദീസില് നിന്ന് മനസ്സിലാക്കാം. ഇതില് പറയപ്പെട്ടത് ഹസന് رضي الله عنه വോ അല്ലെങ്കില് ഹുസൈന് رضي الله عنه വോ ആണെന്നും അഭിപ്രായമുണ്ട്.
No comments:
Post a Comment