عمدة الأحكام من كلام خير الأنام صلى الله عليه وسلم
المؤلف: عبد الغني بن عبد الواحد بن علي بن سرور المقدسي الجماعيلي الدمشقي الحنبلي،
أبو محمد، تقي الدين (المتوفى: 600هـ)
ജനാബത്ത് കുളിയുടെ രൂപം
34 - عَنْ مَيْمُونَةَ بِنْتِ الْحَارِثِ رضي الله عنها زَوْجِ النَّبِيِّ - صلى الله عليه وسلم - أَنَّهَا قَالَتْ: ((وَضَعْتُ لِرَسُولِ اللَّهِ - صلى الله عليه وسلم - وَضُوءَ الْجَنَابَةِ، فَأَكْفَأَ بِيَمِينِهِ عَلَى يَسَارِهِ مَرَّتَيْنِ - أَوْ ثَلاثاً - ثُمَّ غَسَلَ فَرْجَهُ، ثُمَّ ضَرَبَ يَدَهُ بِالأَرْضِ، أَوْ الْحَائِطِ، مَرَّتَيْنِ - أَوْ ثَلاثاً - ثُمَّ تَمَضْمَضَ وَاسْتَنْشَقَ، وَغَسَلَ وَجْهَهُ وَذِرَاعَيْهِ، ثُمَّ أَفَاضَ عَلَى رَأْسِهِ الْمَاءَ، ثُمَّ غَسَلَ جَسَدَهُ، ثُمَّ تَنَحَّى، فَغَسَلَ رِجْلَيْهِ، فَأَتَيْتُهُ بِخِرْقَةٍ فَلَمْ يُرِدْهَا، فَجَعَلَ يَنْفُضُ الْمَاءَ بِيَدِهِ)) .
നബി صلى الله عليه وسلم യുടെ ഭാര്യ മയ്മൂന ബിന്ത്ത് അല്ഹാരിസ് رضي الله عنها പറഞ്ഞു: നബി صلى الله عليه وسلم ക്ക് കുളിക്കാൻ വേണ്ടി ഞാൻ വെള്ളം ഒരുക്കി കൊടുത്തു. അപ്പോള് റസൂല് صلى الله عليه وسلم വലത് കൈകൊണ്ട് ഇടത് കയ്യിലേക്ക് രണ്ട് -അല്ലെങ്കില് മൂന്ന്- തവണ വെള്ളം ഒഴിച്ചു. പിന്നെ തന്റെ ഗുഹ്യ സ്ഥാനം കഴുകുകയും ചെയ്തു. പിന്നീട് നബി صلى الله عليه وسلم തന്റെ കൈ ഭൂമിയില് അല്ലെങ്കില് മതിലില് രണ്ടോ മൂന്നോ തവണ അടിക്കുകയും (അത് തടവിക്കളയുകയും) ചെയ്തു. പിന്നീട് അവിടുന്ന് വായിൽ വെള്ളം കയറ്റി കൊപ്ലിക്കുകയും, മൂക്കിൽ വെള്ളം കയറ്റുകയും ചെയ്തു. എന്നിട്ട്, തൻ്റെ മുഖം കഴുകുകയും, രണ്ട് മുഴം കൈകളും (കൈമുട്ടുകൾ വരെ) കഴുകുകയും ചെയ്തു. ശേഷം തൻ്റെ തലക്ക് മുകളിലൂടെ വെള്ളം ഒഴിക്കുകയും, ശരീരം കഴുകുകയും ചെയ്തു. അതിന് ശേഷം അവിടുന്ന് (നിന്നിടത്തു നിന്ന്) മാറിനിൽക്കുകയും, തൻ്റെ രണ്ട് കാൽപാദങ്ങളും കഴുകുകയും ചെയ്തു. ഞാൻ അവിടുത്തേക്ക് (തോർത്താനായി) തുണി കൊണ്ടു വന്നെങ്കിലും അവിടുന്ന് അത് ഉദ്ദേശിച്ചിരുന്നില്ല. റസൂല് صلى الله عليه وسلم തൻ്റെ കൈകള് കൊണ്ട് വെള്ളം തുടക്കുകയുണ്ടായി.
വിവരണം
നബി صلى الله عليه وسلم ജനാബത്തിൽ (വലിയ അശുദ്ധിയിൽ) നിന്ന് കുളിക്കാറുണ്ടായിരുന്ന രൂപമാണ് വിശ്വാസികളുടെ ഉമ്മയായ മൈമൂന رضي الله عنها ഈ ഹദീഥിൽ വിവരിക്കുന്നത്. അവർ നബിക്ക് صلى الله عليه وسلم കുളിക്കാൻ വേണ്ടി വെള്ളം ഒരുക്കി കൊടുക്കുകയും, ഒരു മറ വിരിച്ചു കൊടുക്കുകയും ചെയ്തു.
ശേഷം നബി صلى الله عليه وسلم ജനാബത്തിൽ നിന്ന് കുളിച്ചത് താഴെ പറയുന്ന വിധത്തിലാണ്:
1- തൻ്റെ രണ്ട് കൈകളിലേക്കും വെള്ളം ചൊരിയുകയും, അവ രണ്ടും പാത്രത്തിലേക്ക് പ്രവേശിപ്പിക്കുന്നതിന് മുൻപ് കഴുകുകയും ചെയ്തു.
2- വലതു കൈ കൊണ്ട് ഇടതു കൈയ്യിലേക്ക് വെള്ളം ചൊരിയുകയും ഇടതു കൈ കൊണ്ട് തൻ്റെ ഗുഹ്യസ്ഥാനം കഴുകുകയും ചെയ്തു. ജനാബത്തിൻ്റെ ഭാഗമായി അവിടെ പറ്റിപ്പിടിക്കുന്നത് നീക്കുന്നതിന് വേണ്ടിയാണ് അപ്രകാരം ചെയ്തത്.
3- കൈകളിലെ വൃത്തികേടുകൾ കളയാൻ അവ കൊണ്ട് ഭൂമിയിൽ അടിക്കുകയും, തടവുകയും, ശേഷം കഴുകുകയും ചെയ്തു.
4- വായിൽ വെള്ളം കയറ്റി കൊപ്ലിച്ചു; അതായത് വെള്ളം വായിലേക്ക് പ്രവേശിപ്പിക്കുകയും, അത് വായിൽ വെച്ച് കൊണ്ട് കുലുക്കുകയും, ശേഷം പുറത്തേക്ക് തുപ്പിക്കളയുകയും ചെയ്തു. അതോടൊപ്പം അവിടുന്ന് മൂക്കിലേക്ക് വെള്ളം കയറ്റുകയും, ശേഷം അത് പുറത്തേക്ക് ചീറ്റിക്കളയുകയും ചെയ്തു.
5- തൻ്റെ മുഖം കഴുകുകയും, രണ്ട് കൈകളും മുട്ട് വരെ കഴുകുകയും ചെയ്തു.
6- തൻ്റെ തലയിലൂടെ വെള്ളം ഒഴിച്ചു.
7- ശരീരത്തിലെ മറ്റെല്ലാ ഭാഗങ്ങളിലേക്കും വെള്ളമൊഴിച്ചു കഴുകി.
8- താൻ നിന്നിരുന്ന സ്ഥലത്ത് നിന്ന് നീങ്ങിനിൽക്കുകയും, തൻ്റെ രണ്ട് കാലുകൾ മറ്റൊരു സ്ഥാനത്ത് നിന്നു കൊണ്ട് കഴുകുകയും ചെയ്തു. ഇത്രയും ചെയ്തു കഴിഞ്ഞതിന് ശേഷം മയ്മൂന رضي الله عنها നബി صلى الله عليه وسلم ക്ക് ശരീരം തുടക്കുന്നതിന് വേണ്ടി ഒരു മുണ്ട് എടുത്തു കൊടുത്തു. എന്നാൽ നബി صلى الله عليه وسلم അത് സ്വീകരിച്ചില്ല. മറിച്ച് തൻ്റെ ശരീരത്തിൽ നിന്ന് കൈകൾ കൊണ്ട് വെള്ളം തടവിക്കളയുകയാണ് ചെയ്തത്.
ഹദീസില് നിന്നുള്ള പാഠങ്ങള്
1- നബി صلى الله عليه وسلم യുടെ ജീവിതത്തിലെ അതി സൂക്ഷ്മമായ കാര്യങ്ങൾ വരെ മുഅ്മിനീങ്ങളുടെ മാതാക്കൾ (നബി صلى الله عليه وسلم യുടെ പത്നിമാർ) നമുക്ക് വിശദീകരിച്ചു തന്നിരിക്കുന്നു. അവിടുത്തെ ഉമ്മത്തിനെ പഠിപ്പിക്കുന്നതിന് വേണ്ടിയാണ് അവർ അപ്രകാരം ചെയ്തത്.
2- നബി صلى الله عليه وسلم ജനാബത്തിൽ നിന്ന് കുളിക്കുന്നതിൻ്റെ പൂർണ രൂപങ്ങൾ വ്യത്യസ്ത വിധത്തിൽ വന്നിട്ടുണ്ട്. ഇത് അവയിൽ ഒരു രൂപം മാത്രമാണ്. എന്നാൽ ജനാബത്ത് കുളിയുടെ ഏറ്റവും കുറഞ്ഞ രൂപം, ശരീരം മുഴുവൻ വെള്ളം എത്തുക എന്നതും, വായിൽ വെള്ളം കൊപ്ലിക്കുകയും മൂക്കിൽ വെള്ളം കയറ്റുകയും ചെയ്യുക എന്നതുമാണ്.
3- വുദൂഅ് ചെയ്തതിനും കുളിച്ചതിനുമെല്ലാം ശേഷം തോർത്തു കൊണ്ട് വെള്ളം തുടച്ചു കളയുക എന്നതും, തുടക്കാതെ വിടുക എന്നതും അനുവദനീയമാണ്.
No comments:
Post a Comment