عَنْ أَبِي هُرَيْرَةَ رَضِيَ اللَّهُ عَنْهُ، عَنِ النَّبِيِّ
صَلَّى اللهُ عَلَيْهِ وَسَلَّمَ، قَالَ: «يَأْتِي عَلَى النَّاسِ زَمَانٌ، لاَ يُبَالِي
المَرْءُ مَا أَخَذَ مِنْهُ، أَمِنَ الحَلاَلِ أَمْ مِنَ الحَرَامِ»- صحيح
البخاري- 2059
അബൂ ഹുറൈറ رضي الله عنه നിവേദനം, നബി صَلَّى اللهُ عَلَيْهِ وَسَلَّمَ പറഞ്ഞു: ഹലാലില് നിന്നാണോ അതല്ല ഹറാമില് നിന്നാണോ (സമ്പത്ത്) എടുത്തത് എന്ന് പരിഗണിക്കാത്ത ഒരു കാലം ജനങ്ങള്ക്ക് വരും (ബുഖാരി:2059)
ഹദീസില് നിന്നുള്ള പാഠങ്ങള്
# ഹദീസ് റിപ്പോര്ട്ട് ചെയ്തത്: അബൂഹുറൈറ رضي الله عنه.
# ഹലാല് ആയ സമ്പാദ്യം മാത്രമേ ഒരു മുസ്ലിമിന് തിന്നാനും തീറ്റിക്കാനും പറ്റൂ. അനര്ഹമായ വിധം സമ്പാദിക്കല് നിഷിദ്ധമാണ്.
# സമ്പാദിക്കുന്നത് ഹലാല് ആണോ ഹറാമാണോ എന്ന് പരിഗണിക്കാത്ത ഒരു കലം വരും എന്നാണ് റസൂല് صَلَّى اللهُ عَلَيْهِ وَسَلَّمَ പറഞ്ഞത്.
# ഏത് വിധേനയും പണം സമ്പാദിക്കുന്നതിന് വേണ്ടി ശ്രമിക്കുന്ന അവസ്ഥയാണത്.
# കച്ചവടങ്ങളില് വഞ്ചന കാണിച്ചും, കള്ള സത്യം പറഞ്ഞും, പലിശ മുഖേനയുമെല്ലാം ഹറാമായ സമ്പാദ്യം ഉണ്ടാക്കുന്നവരുണ്ട്.
# ഹറാമില് നിന്ന് ഉണ്ടായ ഏതൊരു മാംസത്തിനും ഏറ്റവും അര്ഹമായത് നരകമാണെന്നും, അത് സ്വര്ഗ്ഗത്തില് കടക്കുകയില്ല എന്നും ഹദീസില് വന്നിട്ടുണ്ട്.
# ഹറാമുകളില് മുഴുകിയവന്റെ പ്രാര്ത്ഥനക്ക് ഉത്തരം ലഭിക്കുകയില്ല, മാത്രമല്ല അവന് അനര്ഹമായി സമ്പാദിച്ചതില് ഒരു ബറകത്തും ഉണ്ടാവുകയുമില്ല.
# മോഷണം, പൊതുമുതല് സ്വന്തമാക്കല്, വഞ്ചനയിലൂടെ സമ്പാദിക്കല് തുടങ്ങിയവയെല്ലാം നിഷിദ്ധം തന്നെയാണ്.
# കള്ള് വില്പന പോലെ മതം നിഷിദ്ധമാക്കിയ കാര്യങ്ങള് കൊണ്ട് സമ്പാദിക്കലും ഇതില് പെടും.
No comments:
Post a Comment