ദുറൂസുല്‍ ഹദീസ് - ഭാഗം 22 دروس الحديث - നമസ്കാരം ഇസ്‌ലാമിന്റെ പഞ്ചസ്തംഭങ്ങളില്‍ പ്രധാനപ്പെട്ടതാണ്

 

عَنْ أَبِي هُرَيْرَةَ، أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ: «الصَّلَاةُ الْخَمْسُ، وَالْجُمْعَةُ إِلَى الْجُمْعَةِ، كَفَّارَةٌ لِمَا بَيْنَهُنَّ، مَا لَمْ تُغْشَ الْكَبَائِرُ»-رواه مسلم- 233

അബൂഹുറൈറ رضي الله عنه നിവേദനം, റസൂല്‍ صلى الله عليه وسلم പറഞ്ഞു: അഞ്ച് നേരത്തെ നമസ്കാരങ്ങള്‍, ഒരു ജുമുഅ മുതല്‍ അടുത്ത ജുമുഅ വരെ അവക്കിടയിലുള്ളതിന് (ചെറുപാപങ്ങള്‍ക്ക്) പ്രായശ്ചിത്തമാണ്. വന്‍പാപങ്ങള്‍ മൂടിപ്പൊതിഞ്ഞിട്ടില്ല എങ്കില്‍.

]mT§Ä

നമസ്കാരം, ജുമുഅ എന്നിവയുടെ മഹത്വത്തെയാണ് ഈ ഹദീസ് സൂചിപ്പിക്കുന്നത്. 

അഞ്ച് നേരത്തെ നമസ്കാരങ്ങള്‍ അവക്കിടയിലുള്ള പാപങ്ങള്‍ക്ക് പ്രായശ്ചിത്തമാണ്. 

അത് പോലെ ഒരു ജുമുഅ മുതല്‍ അടുത്ത ജുമുഅ വരെ അവക്കിടയിലുള്ളതിന് പ്രായശ്ചിത്തമാണ്. 

അഞ്ച് നേരത്തെ നമസ്കാരം ഈ രൂപത്തില്‍ ആയിത്തീരാന്‍ നാം പ്രധാനപ്പെട്ട ചില കാര്യങ്ങള്‍ ശ്രദ്ധിക്കണം. 

നമസ്കാരത്തിന്‍റെ റുക്നുകളും, വാജിബാത്തുകളും, അവയുടെ സുന്നത്തുകളും നാം മനസ്സിലാക്കി വേണം നമസ്കാരം നിര്‍വ്വഹിക്കാന്‍. 

നമസ്കാരത്തിന്‍റെ റുക്നുകള്‍ (സ്തംഭങ്ങള്‍), വാജിബാത്തുകള്‍ എന്നിവ നമുക്ക് മനസ്സിലാക്കാം:

നമസ്കാരത്തിന്‍റെ റുക്നുകള്‍:

ഇവ 14 എണ്ണമാണ്. ഇതില്‍ വീഴ്ച വന്നാല്‍ നമസ്കാരം പാഴായി. ഇതില്‍ ഏതെങ്കിലും ഒന്ന് നഷ്ടപ്പെട്ടാല്‍ അവന്‍ വീണ്ടും നമസ്കരിക്കണം. അവ:  

1- കഴിവുള്ളവന്‍ നിന്ന് നമസ്കരിക്കല്‍, 

2- തക്ബീറതുല്‍ ഇഹ്റാം, 

3- ഫാതിഹ ഓതല്‍, 

4- റുകൂഅ്, 

5 -റുകൂഇല്‍ നിന്ന് ഉയരല്‍ (ഇഅ്തിദാല്‍), 

6- ഏഴ് അവയവങ്ങളിലായി സുജൂദ് ചെയ്യല്‍. 

(നെറ്റി+മൂക്ക്, രണ്ട് കൈപടങ്ങള്‍, രണ്ട് കാല്‍ മുട്ടുകള്‍, രണ്ട് കാല്‍ പാദങ്ങള്‍ എന്നിവയാണവ), 

7- സുജൂദില്‍ നിന്ന് ഉയരല്‍, 

8- രണ്ട് സുജൂദുകള്‍ക്കിടയില്‍ ഇരിക്കല്‍, 

9- എല്ലാറ്റിലും ശാന്തത കൈവരിക്കല്‍, 

10- അവസാനത്തെ തശഹ്ഹുദ്, 

11 -അവസാനത്തെ തശഹ്ഹുദിന് ഇരിക്കല്‍, 

12- നബി ഴ യുടെ മേലുള്ള സ്വലാത്ത്, 

13- ഈ റുക്നുകള്‍ ക്രമത്തില്‍ ചെയ്യല്‍, 

14- സലാം

നമസ്കാരത്തിന്‍റെ വാജിബാത്തുകള്‍:

ഇവ എട്ട് എണ്ണമാണ്. ഇതില്‍ നിന്ന് ഏതെങ്കിലും ഒന്ന് മനഃപ്പൂര്‍വം വിട്ട്കളഞ്ഞാല്‍ നമസ്കാരം ബാത്വിലാകും. എന്നാല്‍ ഇതില്‍പെട്ടവ മറന്ന് പോയാല്‍ മറവിയുടെ സുജൂദ് ചെയ്യേണ്ടി വരും. അവ:

1- തക്ബീറതുല്‍ ഇഹ്റാമിന് പുറമേയുള്ള തക്ബീറുകള്‍, 

2- سمع الله لمن حمده എന്ന് പറയല്‍, 

3- ربنا ولك الحمد എന്ന് പറയല്‍, 

4- റുകൂഇല്‍ سبحان ربي العظيم എന്ന് പറയല്‍, 

5- സുജൂദില്‍ سبحان ربي الأعلى എന്ന് പറയല്‍, 

6- രണ്ട് സുജൂദുകള്‍ക്കിടയില്‍ പാപമോചനം ചോദിക്കല്‍, 

7- ഒന്നാമത്തെ തശഹ്ഹുദ്, 

8- ഒന്നാമത്തെ തശഹ്ഹുദിനായി ഇരിക്കല്‍.